ئه‌و كه‌سێ ئاخفتنێن كرێت گۆتيه بارزانى ب كوشتى هاته ديتن
ئه‌ڤرۆ نيوز:
ئه‌و چه‌كدارێ شيعه يێ د چه‌ند گرته‌يێن ڤيديۆى دا ئاخفتنێن كرێت گۆتينه مه‌سعود بارزانى سه‌رۆكێ هه‌رێما كوردستانێ ل ئێك ژ باژێرێن بيجى ب كوشتى هاته ديتن.
د نوچه‌كێ ب له‌ز يێ ژماره‌كا ميديايێن بيانى دا، ئه‌ڤرۆ وێنێ چه‌كدارێ به‌رنياسێ حه‌شه‌د شه‌عبى كو ب “ئه‌بۆ عزرائيل” يێ به‌رنياسه كوشتى هاته ديتن.
د وى نووچه‌ى دا ئاماژه ب وێ چه‌ندێ ژى كريه كو چه‌كدارێن حه‌شه‌د شه‌عبى ماوێ چه‌ند رۆژايه ل گه‌ل ژماره‌كا چه‌كدارێن دى، بێسه‌روشوون ببوون، به‌لێ شه‌ڤا بۆرى ته‌رمێ وى ل بێجى هاته ديتن.
ئه‌يۆب فالح رۆبه‌يعى ناسيار ب ئه‌بۆ عزرائيل 37 سال بوو، د چه‌ند گرته‌يێن ڤيديۆى دا پشتى ئالۆزيێن قه‌زا خورماتۆ يێن ناڤبه‌را كورد و شعيێن توركمان دا، گه‌ف ل سه‌رۆك بارزانى كربوون و سه‌ربارى به‌لاڤبوونا وى نووچه‌ى د ميديايێن بيانى دا، به‌لێ نوكه حه‌شه‌د شه‌عبى و شيعان چو روونكرن ل سه‌ر به‌لاڤنه‌كرينه.
