ئه‌و هونه‌رێ ل دهۆكێ هه‌ی ل هه‌ولێری َو سلێمانیێ نینه
هه‌رهین محه‌مه‌د:
ده‌رهێنه‌رێ گه‌نج ئازاد عادل، د دیداره‌كێ دا بۆ رۆژناما ئه‌ڤرۆ گۆت: من كارێ ده‌رهێنانێ بۆ گه‌له‌ك سترانبێژان كریه بێ جوداهی و یێ ئاماده‌مه هه‌ر سترانبێژه‌كێ هه‌بیت ل گه‌ل كاربكه‌م و هه‌تا نوكه چو سترانبێژ دهزرا من دانین كو بێژم خۆزی من كاره‌ك ل گه‌ل كربا، به‌لێ سترانبێژ هه‌بووینه ستایلێ من و وان ل گه‌ل من نه‌گۆنجیه، یان سیاریۆیا وان نه دئاست دا ژبه‌ر هندێ من ره‌تكرینه، به‌لێ چونكو ئه‌و هاتبوونه نك من من هنده‌ك رێ نییشادان و ئه‌و رێكه بۆ وی دباش بوون.
هێشتا گۆت: هه‌ر ده‌رهێنه‌ره‌كی ستایلێ خوه یێ تایبه‌ت هه‌یه و یا گرنگه ده‌رهێنه‌ر هه‌موو ستایلان بزانیت داكو بشێت ل گه‌ل هه‌موو سترانبێژان كاربكه‌ت، به‌لێ ستایل ل دووف شێوازێ سترانێ دهێته دانان و مرۆڤ نه‌شێت د رۆژه‌كێ دا بیته ده‌رهێنه‌ردڤێت به‌ری نوكه مرڤی كاركربیت و گه‌له‌ك تشت دیتبن و ئه‌ڤه بۆ ده‌مێ چه‌ندین سالا یه كارێ ده‌رهێنه‌ریێ دكه‌م و ل پتر سێزده كه‌نالان من خزمه‌ت بۆ كریه ل هه‌ولێری ل دهۆك و هه‌تا كو گه‌هشتیمه ڤی ئاستی و نوكه ژی یێ به‌ر ده‌وامم ل سه‌ر چێكرنا ریكلامان و هه‌كه كلیپ هه‌بن ل سه‌ر وان ژی كاردكه‌م، و ژبه‌ر كارێ من یێ چێكرنا ریكلام و كلیپان هه‌تا نوكه پشكداری فلمه فیسته‌ڤالا دهۆكێ نه‌بوویمه، به‌لێ د به‌رنامێ من دایه ل سالێن بهێت پشكداربم، به‌لێ ئه‌و هونه‌رێ ل دهۆكێ هه‌ی ل هه‌ولێرێ و سلێمانیێ نینه وه‌كو ده‌رهێنه‌ر و كامیره‌ڤان و مۆنتێر و ئه‌و ژی هه‌تا راده‌كی دزیره‌كن و هه‌ر ئێكی ستایل و شێوازێ خوه یێ تایبه‌ت هه‌یه.
