ئهڤرۆ… ئهڤرۆیا دوهی و ئهڤرۆ
دهسپێكا دهرچوونا ههفتیناما ئهڤرۆ بوو، حهزژێكرنا من بۆ رۆژنامێ وهكر كو ئهز
هێدی هێدی خوه پتر نێزیك بكهم ژ ستافێ رۆژنامێ، ژ خواندهڤانهك بهر ب كهسهك
كو دشێم كار بكهم و ئێدی ئهو رۆژ هات كو ئێكهم نووچهیێ من ل لاپهرهئێك وهك
مانشیتێ حهفتیێ بهلاڤبوو، كو ئهوژی ب سهدان پۆلیسان ژبهر كێمیا مووچهی دهست ژ
كاری كێشاینه.
ئێدی هێدی هێدی من بهردهوامی دا كاری و تا وی دهمی هندهك بهرههمێ مهییێن
رۆژنامهڤانی مه كار ل سهر دكر كو پێشتر زووبزوو نههاتبوون ئهنجامدان مه ب
هاریكاریا ههڤكارێن خوه شیا بهڵاڤبكهین، دووڤچوونێن كهیسێن گهندهلیێ،
ههڤپهیڤینێن وێرهك ل سهر ئاستێ ههرێمی ژ سهرۆكێ حوكمهتێ بگره ههتا دگههیته
بهرپرسێن ئێكێ یێن گهلهك پارتیان كو دبوونه ژێدهرێ زانیاریان و هوشیاریێ بۆ
خواندهڤانان.
مهرهما من نهئهوه پهسنا كارێ خۆیێ دهربازبوویی بكهین، خهمخوریا ستافی كو
رۆژنامێ بابهتێن لوكالی و كوردستانی یێن تایبهت ب خۆڤه ههبن وهكر كو
رۆژناما ئهڤرۆ پترین تیراژێ رۆژنامهیێن كوردی بوو ل سهر دهمێ خوه.
پتر ژ پێنچ سالایه وهك رۆژنامهڤان ل ئهڤرۆ كار ناكهم، لێ هێشتا مهیلا من بۆ
وێ رۆژنامێ ههیه، هێشتا ل گهلهك جهان ب وێ دهێینه نیاسین، دهسپێكهكا گهلهك
باش و پر بهرههم و بێ دهردهسهرى ژی نهبوو.
نوكهیا ئهڤرۆ تێدا دهربازبیت پێدڤیهكه و دڤێت ههبیت، لێ پسیار ئهوه چاوا دێ
شێت خوه ل ههمبهر ڤێ پێلا تهكنولۆجیایێ گریت و وندا نابیت و كارتێكرنا خوه
ههبیت و وهكو ژێدهرهك بۆ خواندهڤانێن دهڤهرێ مینیت؟
بهرسڤدانا ڤێ پسیارێ دبیت یا ب زهحمهت نهبیت، لێ ڤێ كریزێ ئهڤرۆ وهكو
وهلاتهك دۆرپێچكری لێكریه، لهو پێدڤی ب هندهك ئهلتهرنستیڤێن دیتر و
هندهك پێنگاڤێن وێرهك ههیه بهاڤێژیت و خوه ل گهل ڤێ قووناغێ بگونجینیت و
وهنهكهت كو د رێ دا بمینیت و سهروهریا رۆژانێن رۆژنامهڤانی یا ب زهحمهت ئێدی
بدهت دهستێ دۆرهێلی و باشترین پێنگاڤ ژی سایتێ خوه د ڤێ قووناغێ ده بهته
ژێدهرێ وی خهلهكێ ئهو پتریا رۆژێ مۆبایل د دهستیدایه و ئۆنلاین ل سهر هێلێن
ئهنتهرنێتێ.
