ئه‌ڤرۆ دێ مه‌زنترین قاره‌مانیا تێنسێ ده‌ستپێكه‌ت
ئه‌ڤرۆ نیوز:
ئه‌ڤرۆ رۆژا ئێكشه‌مبى، رولاند گاروس كو ئێكه ژ چوار قاره‌مانیێن مه‌زن یێن یاریا تێنسێ دێ ل باژێرێ پاریس یێ فره‌نسا برێڤه چیت و هه‌تا 7 هه‌یڤا بهێت دێ یا به‌رده‌وام بیت.
نۆڤاك جۆكۆڤیچی ئێكه‌مێ رێزبه‌ندیێ به‌ربژێره بۆ وێ یه‌كێ د مێژوویا خوه‌دا ببیته قاره‌مانێ خولێ كو رافایل نادال خودانێ ریكوردانه و 9 جاران یێ بوویه قاره‌مانێ ڤێ خولێ و رۆجێر فێدرێریش ب تنێ جاره‌كێ ئه‌و جام یێ بلند كرى.
سه‌رجه‌مێ خه‌لاتێن ڤێ قاره‌مانیێ زێده‌تر ژ 28 ملیون یورویانه و قاره‌مانێ ڤێ خولێ 2000 خالان بده‌ستڤه دئینیت كو 128 یاریكه‌ر ل سه‌ر ئاستێ كوران و كچان پشكداریێ تێدا دكه‌ن.
ئه‌ڤرۆ ل ده‌مژمێر 1 و نیڤ، فێدرێر د ئێكه‌م یاری دا دێ روى ب روى ئالیخاندرۆ فایا یێ كولومبى بیت، هه‌روه‌سا دێ فافرینكا به‌رامبه‌ر مارسیل یێ توركى یاریێ كه‌ت و ده‌مژمێر 5 تسۆنگا به‌رامبه‌ر لیندلى دێ یاریێ كه‌ت.
