ئه‌ڤرۆ روسیا و ئیسرائیل ل دۆر هاتنا له‌شكرێ روسی بۆ سووریێ دێ كۆمبن
ئه‌ڤرۆنیۆز، ئه‌یاد به‌روارى
رادیوا ئیسرائیلی یا فه‌رمی راگه‌هاند، ئه‌ڤرۆ شانده‌كێ له‌شكریێ روسی ب سه‌رۆكاتیا جه‌نه‌رال نیكولای بوغدانوفسكی دێ گه‌هیته ئیسرائیل ب مه‌ره‌ما ئه‌نجامدانا دانوستاندنان ل دۆر به‌لاڤكرنا هێزێن له‌شكرێ روسی ل سووریێ.
رادیوا ئیسرائیل دیاركر، دانوستاندن دێ ل سه‌ر وێ چه‌ندێ بن كو چو گرژی یان پێكدادان د ناڤبه‌را له‌شكرێ روسی و له‌شكرێ ئیسرائیلی دا روو نه‌ده‌ن.
خویاكر ژی، د وێ سه‌ره‌دانا دو رۆژی یا شاندێ له‌شكریێ روسی دا، دێ كۆمبوونا لژنا هه‌ڤكاریا له‌شكری هێته ئه‌نجامدان كو د سه‌ره‌دانا ڤێ دووماهیێ یا سه‌رۆك وه‌زیرێن ئیسرائیلێ بنیامێن نتنیاهو بۆ روسیا ل گه‌ل سه‌رۆكێ روسی فلادیمێر پوتنی رێككه‌فتبوون ل سه‌ر پێكئینانا وێ.
