ئه‌ڤرۆ زاخۆ ل هه‌ولێرا پایته‌خته بۆ كه‌مپه‌كێ راهێنانێ
د داخویانیەکێ دا ئەندامەکێ دەستەیا کارگێریا یانا زاخۆ یا وەرزشی بۆ رۆژناما ئەڤرۆ دیار کر زاخۆ د ناڤەراستا ڤێ مەهێ دا دێ کەمپەکێ ڕاهێنانێ دانیت و وان چاڤ ل ئینانا یاریزانەکێ دیترە بۆ ناڤ رێزێن تیمێ دا.
زێدەتر دلژار عەدنان گۆت : پشتی دەرگەهێ ڤەگوهاستنا زڤستانێ بۆ یاریزانان هاتیە ڤەکرن هەر زوو مە دەست ب لێگەریانا یاریزانان کر ژ بۆ تیما خوە یا پشکدار د خولا پێشەکارێن ئیراقێ یا تەپاپێی دا،پشتی چەند یاریزانەک هاتینە دویرئێخستن ژ تیمێ وان هەڤبەستا سێ یاریزانان ئیمزا کر ئەو ژی سێدریکێ کامیرونی و لوپێزێ کولومبی و محەمەدویێ یەمەنی، ئەم بەردەوامین ل سەر لێگەریانا یاریزانان و هەر جهەکێ تیما مەکێماسی تێدا هەبیت ئەم دێ چارەسەر کەین، د هێلا هێرشبەریێ دا هاتە ڕادەیەکێ باش مە چارەسەر کر ژبەرکو د نوکە دا مە سێ یاریزان د هێلا هێرشبەریێ دا هەنە ئەو ژی هەر ئێک ژ سدریک و لوپێز و سەفین پاتو،ئەم بەردەوام ژی چاڤدێریا یاریزانان دکەین د شێن بێژین هێشتا دەرگەهێ ڤەگوهاستنا یاریزانان ل زاخۆ نەهاتیە گرتن.
ناڤبری گۆت ژی: بڕیاره ئه‌ڤرۆ كه‌مپه‌كێ راهێنانێ ل هه‌ولێرا پایته‌خت ب دانین و پاشی ل رێکەڤتی ٢٦ هەمان مەهـ یاریا خوە ژ كۆپا ئیراقێ یا تەپا پێی ئەنجامدەین.
