ئه‌ڤرۆ كوڕێن خابووری دێ بزاڤێن پاراستنا رێزبه‌ندییا خوه كه‌ن
بریارە ئه‌ڤرۆ تیما فوتبۆلا یانه‌یا زاخۆ د ناڤ ئه‌رد و جه‌ماوه‌رێ خوه ل ده‌مژمێر شه‌شێ ئێڤاری مێڤاندارییا یانه‌یا نه‌فت یا به‌غدایی بكه‌ت ژ چارچووڤه‌یێ هه‌ڤڕكیێن گه‌ڕا 31ێ ژ خولا ستێرێن ئیراقێ یا فوتبۆلێ هێته كرن، بۆ زانین نه‌فت ب42 خالان رێزا نه‌هێ دهێت.
ل دور ڤێ یاریێ دلژار عەدنان ئەندامێ کارگێرییا یانه‌یا زاخۆ بۆ رۆژنامه‌یا ئەڤرۆ دیار کر یانەیا زاخۆ د ڕەوشەکا باش دایه و دوور ژ هنگاڤتن و دوورکەڤتنا یاریزانان دێ روو ب روویی یانەیا نەفت بیت کو یانەیەکا باشە و یاریزانێن باش هەنە، پشتی سەرکەڤتنا یانەیا زاخۆ د دێربیێ هەرێما کوردستانێ یا گرنگ بوو ژ بۆ پاراستن د رێزبەندیا چارێ دا و خوە نێزیک کرن ژ رێزبەندیا سیێ د خولێ دا،ڕاهێنەرێ یانەیا مە تەلال بەلوشی ب شێوەیەکێ باش کار ل سەر تیمێ کریە دیسان ل سەر خالێن لاوازێن تیما بەرامبەر ژی کار کریە هەر ژبەر هندێ ژی یەکەیەکا گرتی دویر ژ جەماوەری و دەزگایێن ڕاگەهاندنێ ئەنجامدان داکو ئەو پلان نەهێتە ئاشکەرا کرن و یاریزانێن مە بشێن ب شێوەیەکێ باش وێ پلانێ جێبەجێ بکەن ژبەرکو ئارمانج مە سەرکەڤتنە و بتنێ سەرکەڤتن دێ رەوشا مە گەلەک باشتر کەت.
زێدەتر ناڤبری گۆت ژی: رەوشا تیما مە یا باشە و هەمی یاریزان د ئامادەنە بۆ ڤێ یاریێ و ئەوا پێدڤی ژی ل سەر دەستەیا کارگێریا یانەیێ هەمی دابین کرینە و چ کێماسی ژی دناڤ تیمێ دا نەهێلاینە.
بۆ زانین تیما یانه‌یا زاخۆ ل رێزا چارێ ل سه‌ر لیستا خولا ستێرێن ئیراقێ دهێت ب 52 خالان ژ 13 سه‌ركه‌فتن، 13 وه‌كهه‌ڤی و بتنێ سێ خوساره‌تی هه‌نه.
