ئه‌ڤرۆ پارێ كارمه‌ندێن سه‌ر سندۆقێن ده‌نگدانێ دێ هێته به‌لاڤكرن
دهۆك، نه‌وزادهلۆری:
پشتی هه‌شت هه‌یڤان، بڕیاره ئه‌ڤرۆ پارێ كارمه‌ندێن سه‌ر سندۆقێن ده‌نگدانێ یێن سالا بۆری یێن جڤاتا نوونه‌رێن ئیراقێ بهێته به‌لاڤكرن، كو دو ملیار و 200 ملیۆن دینارن.
خالد عه‌باس، رێڤه‌به‌رێ لقێ دهۆكێ یێ كۆمسیۆنا بلند یا سه‌ربخوه یا هه‌لبژارتنان ل ئیراقێ د كۆنگره‌یه‌كێ رۆژنامه‌ڤانی دا گۆت: (ل رۆژا 10/10/2021ێ هه‌لبژارتنێن جڤاتا نوونه‌رێن ئیراقێ هاتبوونه ئه‌نجامدان، ب گوره‌ی قانوونێ پشتی په‌سه‌ندكرنا ئه‌نجامان دڤێت پارێ كارمه‌ندێن سه‌ر سندۆقان ژی بهێته به‌لاڤكرن، به‌لێ وه‌سا دیاره وه‌زاره‌تا دارایی یا ئیراقێ پارێ كارمه‌ندان گیرۆ كر و پارێزگه‌هێن هه‌رێما كوردستانێ وه‌كو دووماهی پارێزگه‌ه ل ئیراقێ دێ پاه‌ی وه‌رگرن، ئه‌ڤرۆ 5/6/2022ێ كارمه‌ند دشێن ل 10 به‌نكێن پارێزگه‌ها دهۆكێ پارێ خوه وه‌ربگرن).
زێده‌ترگۆت: (بۆ مامۆستایێن زانكۆ و قوتابی و ده‌رچوویان گوژمێ 250 هزار دینار هاتینه دیاركرن و بۆ فه‌رمانبه‌ران ژی 150 هزار دینارن، 11 هزار كارمه‌ند ل سنوورێ پارێزگه‌ها دهۆكێ دێ وی پاره‌ی وه‌رگرن).
ناڤبری د درێژاهیا ئاخڤتنێن خوه دا گۆتژی: (د نوكه دا پرۆسا تۆماركرنا بایۆمه‌تری یا به‌رده‌وامه و 70% هاتیه تۆماركرن، ژ دایكبوویێن سالا 2001 بۆ 2004ێ دشێن سه‌ره‌دانا بنگه‌هێن تۆماركرنێ ل ده‌ڤه‌رێن خوه بكه ن بۆ خوه تۆماركرنێ، دیسا داخوازێ ژ هێزین ئه‌منی ژی دكه‌ین، كو كارتا خوه یا بایۆمه‌تری وه‌ربگرن).
