ئهڤرۆ پهڕلهمان دێ دهنگدانێ ل سهر درێژكرنا ژییێ خوه دهت
ههولێر، سولین سلێمان:
سهرۆكاتیا پهرلهمانا كوردستانێ بڕیاره رۆژا ئێكشهمبی كۆمبوونهكێ ل دۆر پرۆژهیاسایا درێژكرنا ژییێ پهرلهمانی ئهنجام بدهت.
سامان ئهحمهد، رێڤهبهرێ راگههاندنا پهرلهمانێ كوردستانێ بۆ رۆژناما ئهڤرۆ دیار كر، بڕیاره ئهڤرۆ 9/10/2022 پهرلهمانێ كوردستانێ روونشتنا خوه یا ئاسایی یا ههژماره 11 ل دهمژمێر 10:00 سپێدێ ئهنجام بدهت و تێدا دهنگدان ل سهر پڕۆژهیاسایا درێژكرنا ژییێ پهرلهمانی دێ هێته كرن.
خویا ژی كر، د. رێواز فایهق، سهرۆكا پهرلهمانی بانگێشتا ههموو ئهندامێن پهرلهمانی كریه، داكو رۆژا ئێكشهمبی بۆ كۆمبوونێ بهرههڤ بن و گۆت: “ئهڤ كۆمبوونه د دهمهكی دایه، كو هێشتا لایهنێن سیاسی نهگههشتینه رێككهفتنێ ژ بۆ ئهنجامدانا ههلژارتنان، پهرلهمان ژی یێ نهچاره، كو ژییێ یاسایی یێ خولا پێنجێ درێژ بكهت”.
گۆتژی: “د كۆمبوونا ههفتیا بۆری ژی دا پهرلهمانێ كوردستانێ خواندنا ئێكێ و دوویێ ژ بۆ ڤێ چهندێ كربوو”.
