ئه‌ڤرۆ چه‌ند ياريێن ب هێز ژ خولا ئيتاليا دێ ب رێڤه چن
ئەڤرۆ نیوز:
ئەڤرۆ ژ خۆلا ئیتالیا شەش یاریێن گرنگ و چارەنڤیس ساز ھێنە ئەنجام دان.
ژ چارچۆڤێ یاریێن گەرا 37ێ دا، یاریێن رۆژا دویێ، یاریا ئێکێ دێ د ناڤبەرا ھەردو یانێن کیێڤۆ و سامبدۆریا دا بن کو یا ئێکێ کەفتیە خوار و یا دویێ ژی ب تنێ د خولێ دا مایە.
یاشان ل دەمژمێر 16:00 پارما دێ پێشوازیێ ل ڤیورنتینا کەت، د ھەمان دەم دا ئیمپۆلی و تورینۆ ژی دێ روو ب روویێ ھەڤدو بن.
دەمژمێر 19:00 د ئێک ژ یاریێن گرنگ دا، ئەیسی میلان ل سانسرۆ دێ مێڤانداریا فرۆزینی کەت، فرۆزینی کەفتیە خولا پلە دو و ئەی سی میلان ژی دێ ب ڤێ سەرکەفتنێ ھیڤیێن بۆ چامپیۆن لیگێ نێزیک کەت.
دەمژمێر 21:45 دو یاریێن دی یێن ب ھێز دێ ب رێڤە چن، د یاریا ئێکێ دا، ناپۆلی دێ پێشوازیێ ل ئەنتر میلان کەت، ئەنتر ژی ھەکە سەرکەفت د ڤێ یاریێ دا، دێ پلێتەکا شامپیۆن لیگێ مسۆگەر کەت، د یاریا دویێ ژی دا ئەتلەنتا یا خودانا رێزا چارێ بیتە مێڤانا یۆڤانتۆس قارەمانا خولێ.
