ئه‌ڤین ئه‌حمه‌د: ئه‌و چارده سال بوون چاڤه‌رێ بووم ل شاشێ ده‌ركه‌ڤم
دهۆك، هه‌رهین محه‌مه‌د:
ئه‌ڤین ئه‌حمه‌د، بێژه‌را ده‌نگوباسێن سیاسی ل كه‌نالێ دهۆك تیڤی، د دیداره‌كێ دا بۆ رۆژناما ئه‌ڤرۆ گۆت: من گه‌له‌ك هه‌ست ب خۆشیێ كر ده‌مێ ل شاشێ ده‌ركه‌فتیم و دبیت من كربا گری و گریا خۆشیێ با، به‌لێ ئه‌ز یا سه‌رخوه بووم و سوپاسیا به‌رپرسێ ناڤه‌ندا خانی و رێڤه‌به‌رێ دهۆك تیڤی دكه‌م كو هاریكاربوون ل گه‌ل من شیام ل شاشێ ده‌ركه‌ڤم و ئه‌و چارده سال بوون ئه‌زچاڤه‌رێ وێ رۆژێ ل شاشا تیڤیه‌كێ ده‌ركه‌ڤم.
ئه‌ڤینێ گۆت: به‌ری نوكه من پێشكێشكاری و بێژه‌ری ژی كریه و د بینم ده‌نگوباس ب زه‌حمه‌تن، دڤێت مرۆڤ كار ل سه‌ر خوه بكه‌ت ژلایێ ده‌نگی و پێزانینان ڤه و ره‌وشه‌نبیریه‌كا باش هه‌بیت و ژبه‌ركو ئه‌ز حه‌زژ ده‌نگوباسان دكه‌م ئه‌و بۆ من ژ هه‌موو تشته‌كی دی ب ساناهیترن، به‌لێ هه‌ركاره‌كێ مرۆڤ بكه‌ت دڤێت وژدانا خوه ئارام بكه‌ت، چونكو راگه‌هاندن تشته‌كێ گشتی یه و دڤێت ب وژدان كاربكه‌ن.
