ئه‌ڤێن نه‌شێن خوه ژ مۆبایلێ دوور بێخن ڤان سێ به‌رنامان بكاربینن
ئه‌ڤرۆ:
كه‌سێ گۆمان ل سه‌ر وێ چه‌ندێ نینه كو نها مۆبایلان گرنگیه‌كا تایبه‌ت یا ده‌ف مه هه‌یی و جهه‌كێ گرنگ یێ د ژیانا مه دا پڕ كری، گه‌هشتیه راده‌كی ژی كو ئه‌و ل ده‌ستپێكا هه‌ر تشته‌كی یه و سه‌ر ژ هه‌ر تشته‌كی وه‌رگرتیه. گه‌له‌ك ژی ل سه‌ر مودمن بووینه، ژ به‌ر ڤێ چه‌ندێ ژی گه‌له‌ك كۆمپانیان بزاڤ كرینه هنده‌ك ئه‌پلیكه‌یشنا دروست بكه‌ن بۆ وێ چه‌ندێ بشێن چه‌نده‌كێ بكارئینه‌رێن وان ژ مۆبایلێن وان دوور بكه‌ن. ل ڤێره دێ سێ ژ وان ئه‌پلیكه‌یشنا به‌رچاڤی هه‌وه كه‌ین.
1- Forest
هه‌كه تو ب زه‌حمه‌ت تله‌فۆنێ ژ خوه دوور دكه‌یی و پتریا جاران د ده‌ستێ ته دایه و نه‌شێی ب رژدی ل سه‌ر بابه‌تان راوه‌ستی، ئه‌ڤ ئه‌پلیكه‌یشنه دێ هاریكاریا ته كه‌ت، هه‌كه تو د كاره‌كێ ده‌ستنیشانكری دابی و پێدڤی ب وێ چه‌ندێ بیت ب باشی هزرا خوه بده‌یه كاری و هزرا ته ل سه‌ر مۆبایلێ بیت، ب تنێ ل سه‌ر ته پێدڤیه تو مۆبایلا خوه ڤه‌كه‌یی و داره‌كێ د ڤێ ئه‌پلیكه‌یشنێ دا بچنی، هندی ته مۆبایلا خوه ژ خوه دوور كر، ئه‌ڤ داره دێ پتر گه‌شێ كه‌ت و چێ بیت، هه‌ر ده‌ما ته نه‌شیا خوه و ده‌ست دا مۆبایلێ دێ ئه‌ڤ داره ژ ناڤ چیت، دبیت تو هزر بكه‌یی ئه‌ڤه تشته‌كێ سه‌رنه‌كه‌فتی یه، به‌لێ ده‌مێ تو ڤێ ئه‌پلیكه‌یشنێ دانلۆد دكه‌یی مێشكێ ته ب خوه دێ ته ل سه‌ر ڤێ چه‌ندێ نه‌چار كه‌ت و كارێ خوه كه‌ت.
2- Checky
ته چ جارا هزرا خوه كریه تو رۆژێ چه‌ند جاران مۆبایلا خوه ڤه دكه‌یی و دچیه د ناڤ دا؟ ئه‌ڤ ئه‌پلیكه‌یشنه دێ به‌رسڤا ته دكه‌ت، گه‌له‌ك ئاماراێن دژی دێ بۆ ته به‌رچاڤ كه‌ت كا چه‌ند ده‌مژمێران ل سه‌ر مۆبایلێ ی و ئه‌و كێش به‌رنامه‌نه زێده‌تر ڤه‌دكه‌یی و هه‌ر ئێك ژ وان چه‌ندێ ده‌مژمێران ل سه‌ر دمینی و گه‌له‌ك تشتێن دی.
چو پێ نه‌ڤێت ئه‌ڤ ئاماره دێ بنه ئه‌گه‌ر پتر یێ هشیار بی و پێداچوونه‌كێ ل سه‌ر مۆبایل و ده‌مێن ڤه‌كرنا وان دار بكه‌یی. ئێدی دێ وه‌كو ره‌نگه چالنجه‌كێ د ناڤبه‌را ته و مۆبایلێ دا دروست بیت كا دێ شێی چه‌ندێ ژ وی ده‌مێ ته ل سه‌ر د كوشت ب ڤه‌گه‌رینی.
3- Flipd
ئه‌ڤ ئه‌پلیكه‌یشنه هه‌تا راده‌كێ باش یا پێش كه‌فتیه ژ یێن پێشیا خوه، پشتی چه‌ندین ڤه‌كۆلینێن زانستی هاتیه دروستكرن. هزرا ئه‌پلیكه‌یشنێ ئه‌وه كار ل سه‌ر ڤه‌شارتنا ئه‌پلیكه‌یشنا د ناڤ مۆبایلێ دا دكه‌ت یێن نه‌یێن گرنگ ژ ئه‌گه‌رێ پێرابوونێن ته بۆ كارێن گرنگ و ته ژ نامه و هاتنا زه‌نگێن ئاگه‌هداركرنێ یێن نه‌یێن گرنگ دوور دكه‌ت و ناهێلیت به‌رسڤا هه‌رتشته‌كی بده‌یی ژی. هنده‌ك تشتێن گرنگ ل دووڤ حه‌زا ته بۆ ته د جهه‌كی دا ده‌ستنیشان دكه‌ت ل ده‌مێ پێدڤی دبیێ ل گه‌ل ژمارێن گرنگ.
