ئه‌ڤ خوارنه مه‌ترسى نه ل سه‌ر ژيانا ته
1- شه‌كر: بتنێ كاوریێن له‌شی زێده‌دكه‌ت و چ كه‌رستێن خوارنێ یێن مفادار ناده‌ته له‌شی و دبیته ئه‌گه‌رێ كرمیبوونا ددانان.
2- شریناهی و شكولاته: حه‌زا مرۆڤی بۆ خوارنا فێقی و زه‌رزه‌واتی كێم دكه‌ن ئاریشه‌یێن مه‌زن بۆ ساخله‌میا زاروكان په‌یدادكه‌ن.
3- خوێ : ئه‌و تشته یێ ئه‌م گه‌له‌ك دخوین و چ مفای ژێ وه‌نه‌گرین، له‌ورا باشتره رۆژێ هه‌میێ پتر نیڤ كاچكێ نه‌خوین و خوێ یا پێدڤی مرۆڤ ب رێكا خوارنا گوشتی فێقی و زه‌رزه‌واتی ب ده‌ست خۆ دئینیت.
4- كێك و بسكوێت: گه‌له‌ك روین و شه‌كر دناڤدا هه‌نه و پێدڤی ناكه‌ت مرۆڤ گه‌له‌ك بخوت ژبه‌ركو دێ كارتێكرنه‌كا نه‌باش ل سه‌ر پیڤه‌رێن خوارنا هه‌ڤسه‌نگ دله‌شێ مرۆڤی دا هه‌بیت.
5- موقه‌بیلات: بۆ نموونه پارچه‌یێن پتاتا ده‌له‌ك روین و خوێ دناڤدا هه‌نه و جهێ گه‌له‌ك ژ خوارنێن ب مفا وه‌ردگرن و ب تایبه‌ت هه‌كه گه‌له‌ك بهێنه خوارن ژلایێ زارۆكان ڤه.
6- دینگ: ئه‌ڤه روینه‌كێ تویركری یه و یێ ڤالایه ژ كه‌رستێن خوارنێ و باشتره ل شوونا دینگی زه‌یت بهێته ب كارئینان.
7- ته‌زیاتی: یان گه‌له‌ك شریناهی یان گه‌له‌ك ترشیاتی دناڤدا هه‌یه و ئه‌ڤه كارتێكرنه‌كا مه‌زن ل ددانان دكه‌ن و زارۆك گه‌له‌ك ب كاردئینن و دبنه رێگر كو دلێ وان نه‌چیته چ خوارنان و پێدڤیا خۆ ژ كه‌رستێن پێدڤی وه‌رنه‌گرن.
8- صاص: پتریا جاران كریم و زه‌یت دناڤدا هه‌نه و مرۆڤ دشێت ل شوونا وان زه‌رزه‌واتان ب كاربینیت و كاسترێ ژ شیری دروست بكه‌ت و بخوت.
9- كریم: گه‌له‌ك روین دناڤدا هه‌یه و باشتره ب ماستی یان به‌رهه‌مێن ماستی ب گوهۆرین و هشیاربه چ جاران تشتێ گه‌له‌ك ب روین ب كارنه‌ئینه.
به‌رهه‌ڤكرن: حه‌مزه ره‌زيكى
