ئه‌ڤ ساله باغچه دێ ده‌ست ب وه‌رگرتنا زارۆكان كه‌ن
ئه‌ڤرۆ، هه‌رهین محه‌مه‌د:
رێڤه‌به‌رێن باخچێن حكومی و نه‌حكومی ل پارێزگه‌ها دهۆكێ ئاشكه‌را دكه‌ن كو نه بوونا باخچێن زارۆیان كارتێكرنه‌كا مه‌زن ل قوتابیان كریه ل قوناغا سه‌ره‌تایی ل دورڤی بابه‌تی ژی رێڤه‌به‌را باخچێ ئاڤا یێ نه‌حكومی دبێژت: ئه‌ڤ ساله مه خولێن ب هێزكرنێ ڤه كریه و نێزیكی ده‌ه قوتابێن قوناغا سه‌ره‌تایی هاتینه و ئه‌م پیتان نیشاده‌ین.
ناهیدا دوسكی، جێگرا سه‌رپه‌رشتێ په‌روه‌ردێ رێڤه‌به‌ریا سه‌رپه‌رشتاریی ل په‌روه‌ردا گشتی یا پارێزگه‌ها دهۆكێ بۆ په‌رپه‌رێ په‌روه‌رده و زانكۆ یێ رۆژناما ئه‌ڤرۆ گۆت: لدوڤ نڤیسارا په‌روه‌ردێ یا ژماره (12812) ل رێكه‌فتی 4/8/2021 ده‌ركه‌فتیه تێدا گرنگی دایه سێ خالێن یا ئێكێ گرنگ كو نیڤا هه‌یڤا هه‌شت ده‌ست ب توماركرنا ناڤێن زارۆكان بكه‌ت و خالا دووێ ژیێ قوتابیان هاتیه ده‌ستنیشانكرن بۆ سالا خاندنێ بۆ بۆ زارۆیێن چارسالی كو ژدایك بوویێ سالا2017 بن و زارۆیێ پێنچ سالی ژدایك بووێن سالا 2016 بن ل باخچێن حكومی و نه‌حكومی دێ هێنه وه‌رگرتن و وێ خالاسیێ ب چو ره‌نگان نابیت پاره ژ دایك و بابێن زارۆیان بهێنه وه‌رگرتن ژبه‌ر توماركرنا ناڤێن زارۆیان و ئه‌ڤ تشته چ جاران ژی چێنه‌بوویه، به‌لێ ئاماژه ژی ب وێ یه‌كێ كریه گۆتژی: نه هاتیه ده‌شتنیشانكرن كو هه‌رباخچه‌كی دێ چه‌ند قوتابی هێنه وه‌رگرتن و لدووڤ سنورێ جوگرافیێ باخچه‌ی زارۆ دهێنه وه‌رگرتن و بێ جوداهی بتنێ هه‌كه مه‌رجێ ژی ژێ بگرت.
ئه‌حمه‌د جه‌مال ره‌مه‌زان، رێڤه‌به‌رێ باخچێ شه‌نگ یێ حكومی ل دهۆكێ بۆ په‌رپه‌رێ په‌روه‌رده و زانكۆ یێ رۆژناما ئه‌ڤرۆ گۆت: ئه‌ڤ ساله جودایه ژ سالێن بوری، چونكو رێنمایێن ساخله‌میێ هه‌موو ل هه‌موو قوتابخانان دا ب كارتینن، به‌لێ دباخچه‌یی دا دڤێت پتر ئه‌م دهشیاربین، چونكو ژیێ وان بچیكره ژ یێن قوناغێن دی یێن خاندنێ و دبینم هه‌كه قوناغا ئێكی و دێ سه‌ره‌تایی بهێنه ڤه‌كرن دڤێت قوناغا باخچه‌ی ژی قه‌ستا باخچه‌ی بكه‌ن، ژبه‌ركو ژێن وان نێزیكی ئێكن و قوناغا باخچه‌ی قوناغه‌كا گرنگه بۆ زارۆكی و قوتابی به‌رهه‌ڤ دكه‌ت بۆ قوناغا سه‌ره‌تایی ب تایبه‌ت د هه‌ردوسالێن بوری دا ده‌رگه‌هێن باخچان دگرتی بوون و كارتێكرنه‌كا مه‌زن ل قوتابێن قوناغا سه‌ره‌تایی یێن پولا ئێكێ و دووێ كریه ب تایبه‌ت دنوكه دا ئه‌و بابه‌تێن ئه‌م بۆ زارۆیی دبێژین مفایه‌كێ مه‌زن ژێ دبینت كو بزانیت ئه‌ڤرۆ ل سه‌ر وی چو پێدڤیه و سیسه‌می وی یێ خه‌وێ یی َدروسته و دیسان ئه‌م فێری هندی َدكه‌ین چه‌ند ده‌مژمێران ژ دایك و بابێن خوه دیركه‌ڤت و ئه‌و زارۆیێ دچیته قوناغا سه‌ره‌تایی ناكه‌ته گری بۆ مال، چونكو یێ فێر بووی ل باخه‌ی چه‌ند ده‌مژمێری ل دویری مال ب مینت و ئه‌ڤ ئاریشه هه‌ر یا هه‌ی ب ل قوناغا سه‌ره‌تایی، چونكو بۆ ده‌مێ چه‌ند سالان من ده‌وام ل قوناغا سه‌ره‌تایی كریه و ئه‌ڤ حاله‌ته مه هه‌بوون، له‌ورا قوناغا باخچه‌ی گه‌له‌ك یا گرنگه بۆ زارۆیی.
گۆتژی: سه‌باره‌ت كا ئه‌م دێ چكه‌ین ئه‌ڤ ساله بۆ زارۆكی پتریا ماموستایێن مه ئه‌م ده‌رچووێن زانكۆیێ نه پشكا باخچان و نوكه ئه‌م دزانین دێ بۆ زارۆیان چكه‌ین و چ بێژین داكو زارۆیه‌كێ ب جوانی ئاڤا بكه‌ین بۆ نمونه دێ چه‌وا زارۆیی فێری هندێ كه‌ین چه‌ند ده‌مژمێرا ژمال دویركه‌ڤیت و دیسان دێ چه‌وا زارۆیی فێر كه‌ین جوداهیێ دناڤبه‌را پیتان دا بكه‌ت، یان جوداهیێ دناڤبه‌را ره‌نگان دا بكه‌ت و ره‌نگا تێكه‌ل بكه‌ت و فێری یاریا بكه‌ین وان یاریا كو مفایی ژێ بینت ژلایێ هزری ڤه، به‌لێ ژبه‌ركو هه‌ردو سالێن بوری ده‌رگه‌هێن باخچه‌یان نه‌هاتنه ڤه‌كرن و كارتێكرنه‌كا مه‌زن ل قوتابێن پولا ئێكێ و دووێ سه‌ره‌تایی كریه، چونكو وان چو باگره‌واند نه‌بوون به‌ری بهێنه قوناغا سه‌ره‌تایی و كه پرسیارا ماموستایێن سه‌ره‌تایی بهێته كرن دێ بێژن قوتابێن مه دسالا بوری دا دلاواز بوون، چونكو نه چووینه باخچه‌ی و ل قوناغا باخچه‌ی ئه‌م پیتا ل دووڤ ئێك نیشا زارۆیان ناده‌ین و بتنێ مه ره‌مامه ئه‌وه زارۆ بتنێ پیتێ بنیاسیت وه ده‌می بچیته قونا غا سه‌ره‌تایی ل وێری دێ پیتێ لێكده‌ت و ل دووڤ ئێك پیتا خوینت و ده‌می َزارۆیێ باخچه‌ی دچیته قوناغا سه‌ره‌تایی و ماموستا پیته‌كێ ده‌تێ ئێكسه‌ر دێ زانیت و بتنێ ماموستا دێ بۆ پیتان لێكده‌ت دا بشێت بخوینت و بنڤیست و لڤێرێ دیار دبیت ئه‌م ته‌مامكه‌رێن ئێكین و مه هاریكاریا ماموستایێن سه‌ره‌تایی كریه و مه قوناغه‌ك ژێڤه‌كریه
ئه‌حمه‌دی ئه‌و چه‌نده‌ژی گۆت: پاراستنا گیانی َقوتابیان بۆ مه ژ هه‌موو تشته‌كێ گرنگترو بهاتره قوتابێن مه دێ ده‌مامكان ب كارئین و وانێن مه نیڤ ده‌مژمێرن و مه هزركریه دوێ نیڤ ده‌مژمێری دا هه‌كه مه یاریه ك هه‌بیت به‌ینه هولێ، چونكو هه‌لێن مه ژ گرۆپی مه‌زنترن و هندی جه یی چمه‌زن بیت و كێم مرۆڤ تێڤه بن باشتره و مه وه‌سان هزركیه دێ پتر گرنگیێ ب هندێ ده‌ی كو زارۆیی به‌ینه ناڤ باخچه‌ی و دیسان مه هوله‌ك ژی دناڤ باخچه‌ی دا هه‌یه زارۆیان به‌ینه وێری.
هاڤین مه‌جید رێڤه‌به‌را باخچێ ئاڤا یێ نه حكومی بۆ په‌رپه‌رێ په‌روه‌رده و زانكۆ یێ رۆژناما ئه‌ڤرۆ دیاركر كو وان بۆ ئه‌ڤ ساله به‌ر هه‌ڤێن خوه كرینه و رێنمایێن ساخله‌میێ ب پارێزن و گرنگی ب خارنێ بهێته دان و قوتابی ل دویری ئێك روینه خارێ و باخچێ مه رێژا وان گه‌له‌ك یا كێمه و حه‌فت پولن و دێ شێم یا زال بم ل سه‌ر وان و ل سالا بوری گه‌له‌ك كارتێكرن ل قوتابێن سه‌ره‌تایێ یێن قوناغا ئێكێ و دووێ كریه و نوكه من خول ڤه كرینه و نێزیكی ده‌ه قوتابیان ل قوناغا سه‌ره‌تایی هاتینه خولێ و ئه‌م پیتا نیشا ده‌ین، چونكو ل سالا بوری ل قوتابخانان گه‌له‌ك ده‌وام نه‌هاتینه كرن و بتنی َنوكه ئه‌م پیتا نیشا ده‌ین و نه ده‌مێ چو تشتێن زانستی یه ئه‌م نیشا وان بده‌ین و هه‌ردیسان ب كارئیمنانا موبایلێ بۆ زارۆیی گه‌له‌ك كارتێكرن ل زارۆ قوتابیان كریه و نه دسرۆشتی نه
