ئه‌ڤ ساله 20 گه‌نج ب رێیا قه‌چاغ بووینه قوربانی
هه‌ولێر، قائید میرۆ:
ئه‌ڤ ساله رێژه‌كا زۆرا وه‌لاتیان ب رێكێن قه‌چاغ چووینه ده‌رڤه‌ی وه‌لاتی و سه‌رۆكێ ده‌زگه‌هێ لوتكه بۆ په‌نابه‌ران ژی دبێژیت: نه‌بوونا ده‌لیڤا كاری ئه‌گه‌رێ سه‌ره‌كیێ چوونا گه‌نجایه بۆ ده‌رڤه‌ی وه‌لاتی و ب تنێ د ئه‌ڤ ساله دا 20 گه‌نج بووینه قوربانی.
ئاری جه‌لال، سه‌رۆكێ ده‌زگه‌هێ لوتكه بۆ په‌نابه‌ران بۆ رۆژناما ئه‌ڤرۆ دیار كر، ئه‌ڤ ساله ل سه‌رانسه‌ری ئیراقێ 40 هزار كه‌س وه‌كو په‌نابه‌ر گه‌هشتینه وه‌لاتێن بیانی و هاتینه تۆماركرن و گۆت: “پشكا شێری یا كه‌سێن ب رێیێن قه‌چاغ چووینه ژ ده‌رڤه‌ی وه‌لاتی یێن هه‌رێما كوردستانێنه، بێگوما چوونا وه‌لاتیان بۆ ده‌رڤه ئه‌ڤ ساله دزێده‌بوونێ دایه، چونكو ئه‌گه‌رێن چوونا گه‌نجان بۆ ده‌رڤه زێده‌بووینه، ب تایبه‌تی دانه‌مه‌زراندنا وه‌لاتیان و نه‌بوونا ده‌لیڤێن كاری ئه‌گه‌رێن سه‌ره‌كیێن چوونا گه‌نجانه بۆ ده‌رڤه‌ی هه‌رێما كوردستانێ”.
ئاری جه‌لال گۆتژی: “هه‌ر ئه‌ڤ ساله 20 وه‌لاتیێن هه‌رێما كوردستانێ بووینه قوربانی و گیانێ خوه ژ ده‌ست داینه، ته‌رمێ 12 قوربانیان بۆ هه‌رێما كوردستانێ هاتیه ڤه‌گوهاستن و ته‌رمێن مایژی دێ هێنه ڤه‌گه‌ڕاندن، نوكه بزاڤ بۆ ڤه‌گه‌ڕاندنا وان هه‌شت ته‌رمێن مایی دهێنه‌كرن، پشتی مامه‌له‌یێن وان تمام دبن، راده‌ستی كه‌سوكارێن وان دێ هێنه‌كرن و بۆ هه‌رێما كوردستانێ دێ هێنه ڤه‌گه‌ڕاندن”.
