ئه‌ڤ پێنج تایبه‌تمه‌ندیێن نوو دبیت ئه‌ڤ ساله ل ویندوزی زێده ببن
ئه‌ڤرۆ:
ویندوز 11 نووترین مۆدێلا ویندوزی یه، ژ به‌ر هندێ مایكروسوفت ل سه‌ر نووكرنا وی ب ره‌نگه‌كێ به‌رده‌وام كار دكه‌ت و ئه‌و ڤالاهیێن ئه‌منی یێن تێدا پڕ دكه‌ت، هه‌ر چه‌نده هێش چو پێزانینێن پشت ل سه‌ر ڤان نووكاریان نه‌گه‌هشتینه مه، به‌لێ دانه‌یا تێست یا وێ چه‌ند پێزانین ئاشكه‌را كرینه ئه‌وێن كو مایكروسوفت ل سه‌ر كار دكه‌ت، ژ به‌ر هندێ ژی ل ڤێره دێ وان تایبه‌تمه‌ندیان بۆ هه‌وه ئاشكه‌را كه‌ین یێن كۆمپانی كار ل سه‌ر دكه‌ت دا كو زێده بكه‌ت.
– تۆماركرنا ڤیدیۆیا شاشێ ب رێیا به‌رنامێ Snipping Tool
ئه‌ڤ به‌رنامه یێ د ویندوزی دا هه‌یی و به‌رپرسه ژ گرتنا وێنا بۆ شاشێ ئانكو شاشێ یان هه‌ر به‌رنامه و تشتێ هه‌بیت دشیان دایه ب رێیا ڤی سنایپینگ تولسی سكرین شوت بكه‌یی، د ئه‌بدێتا نوو یا وێندوزی دا دهێته پێشبینیكرن كو ئه‌و به‌رنامه بشێت ب كارێ ریكوردكرنێ ژی راببیت نه ب تنێ یێ سكرین كرنێ و دشیان دایه پارچه‌كا شاشێ یا ده‌ستنیشانكری ژی ریكورد كه‌یی نه هه‌موو شاشێ و دێ ب شێوازێ ئێم پی فۆر عه‌مبار كه‌ت.
– پێشنیاز بۆ كێمكرنا مه‌زاختنا وزێ
تایبه‌تمه‌ندیا Energy Recommendations شیره‌ت و تێبینیان به‌رچاڤ دكه‌ت كو هاریكارن بۆ كێم مه‌زاختنا وزا لاپتۆپی و كۆمپیۆته‌ری ب خوه ژی. دشیان دایه ب رێیا پشكا پاوه‌ر پاتری و پاشان ژی ئینێرجی ریكومێنده‌یشن بچیه د ناڤ ڤێ پشكێ دا و شیره‌ت و رێنمایان ل سه‌ر كێم مه‌زاختنا وزێ وه‌ربگری.
– لێگه‌ریان تشتان د ناڤ رێبه‌رێ لێگه‌ری دا
گه‌له‌ك گوهۆڕین كه‌فتنه رێبه‌رێ لێگه‌ری Task Manager د ویندوز 11ی دا، تایبه‌تمه‌ندیه‌كا دژی ب ناڤێ Filter processes ئه‌وا د دانا تێست دا هاتی كو رێ دده‌ته پشكداران هه‌موو كاران فلته‌ر كه‌ن و كریارێن لێگه‌ریانێ دا كو ب ساناهی ل وی تشتێ د گه‌ریێن ب ده‌ست خوه بێخن. وه‌كو ناڤه‌كێ تایبه‌ت د ناڤ به‌رنامه‌كێ تایبه‌ت دا.
– ره‌وشا تابلێت ل سه‌ر تۆل بارس
ئه‌ڤ تایبه‌تمه‌ندیا نوو دێ تۆل بارس چه‌مینیت ل ده‌ما ڤه‌كرنا هه‌ر ئه‌پلیكه‌یشنه‌كێ و ئه‌ڤه دێ جهی پتر ل به‌ر خوه‌ش كه‌ت هه‌ر بۆ شاشێ ژی و هه‌ر بۆ ماوسی ژی ل بنێ شاشێ یان ژی هه‌كه له‌مس بیت و ده‌ستێ خوه بدانیه سه‌ر. دێ تۆل بارس ب ره‌نگه‌كێ باشتر ده‌ركه‌ڤیت و ب ساناهیتر هێته بكارئینان.
دشیان دایه ئه‌ڤێ تایبه‌تمه‌ندیێ كارا بكه‌یی ب رێیا Personalization ل به‌شێ تایبه‌تمه‌ندی و پاشان Taskbar و پاشان ژی Taskbar behaviors و پاشان ژی خیار Optimize taskbar for touch interactions.
– دیاركرنا چركا د تۆل بارس
ل شوونا ده‌رنه‌كه‌فتنا وێ و مانا وێ ب ڤه‌شارتی، دێ ساخله‌ته‌كێ نوو هێته نیشان دان و دشیان دابیت ژمارا چركا ژی دیار ببیت ل گه‌ل ده‌مژمێرێ ب تنێ پشتی هه‌لبژارتنا Show seconds in system tray clock كارا دكه‌ی.
چو پێ نه‌ڤێت گه‌له‌ك تایبه‌تمه‌ندیێن دژی دێ د ناڤ ڤێ ئابده‌یتێ دا هه‌بن ئه‌وێن كو كۆمپانیا مایكرۆسوفت ل سه‌ر كار دكه‌ت و ل گه‌ل بۆرینا ده‌می ئه‌و ژی دێ ئاشكه‌را بن.