ئه‌ڤ چار فایله زوو جهی د كۆمپیۆته‌ری دا پڕ دكه‌ن
چو پێ نه‌ڤێت گه‌له‌ك ژ پشكدارێن ویندوزی تووشی ڤێ ئاریشێ دبن یان ژی پێشتر تووش بووینه كو دێسك زوو پڕ دبن، ئه‌ڤه ژی دبیت ژ به‌ر گه‌له‌ك ئه‌گه‌ران بیت، ل ده‌ف هنده‌ك كه‌سان ئه‌ڤه ئاریشه‌كا نورماله و گرنگیێ ناده‌تێ، دبیت ئه‌ڤه ژ ئه‌گه‌رێ جورێن به‌رنامان بیت یان ژی ژ به‌ر ڤایرۆسا و به‌رنامێن پیس و فایلا و گه‌له‌ك تشتێن دی.
د ڤی بابه‌تی دا، دێ به‌حس ل فایلا و فولده‌ران كه‌ین و دێ چار فایلان به‌رچاڤ كه‌ین كو دبنه ئه‌گه‌رێ زوو پڕبوونا دێسكی ژ به‌ر هندێ ل سه‌ر ته پێدڤیه زوو دیلێت بكه‌ی.
1- ویندو ئولد Windows.old
ئه‌ڤێ فایلێ هه‌موو پێزانینێن ویندوزی یێن به‌رێ یێن تێدا چو وه‌كو به‌رنامه یان ژی درایڤه‌ر یان هه‌ر تشته‌كێ دی، ب ڤێ رێ ژی تو دشێی گه‌له‌ك ژ جهێ پڕبووی ب ڤه‌گه‌رینێ. دیسا كۆمپیۆته‌ر ب خوه ژی دێ فایلێن زێده هه‌ر 10 رۆژان جاره‌كێ دیلێت كه‌ت. به‌لێ هه‌كه ته بڤێت ب ده‌ست دیلێت بكه‌ی، كار پیچه‌ك یێ ب زه‌حمه‌ته، به‌لێ د سه‌ر هندێ را ژماره‌كا زۆر یا ڤیدیۆیان ل سه‌ر یوتیوبی هه‌یه و دشیان دایه ل دووڤ وان بچی و وی كاری ئه‌نجام بده‌یی.
2- سه‌لكا گلێشی یا فۆلده‌ران RecycleBinFolder
ب ناڤێ كوربێیل Corbeille دهێته نیاسین و هه‌موو بكارئینه‌رێن ویندوزی دزانن كو هه‌ر تشتێ ئه‌و دیلێت دكه‌ن دچیته د وێرێ دا، چو فایل یان وێنه یان ڤیدیۆ یان هه‌ر تشته‌كێ دی بیت، ژ به‌ر هندێ ژی ل ده‌مێ ماوه‌كێ درێژ پێ دچیت ئه‌ڤه دێ كارتێكرنێ ب خرابی كه‌ته سه‌ر جهی. ژ به‌ر هندێ هه‌كه ته بڤێت ڤێ فایلێ دیلێت بكه‌یی ل سه‌ر ته پێدڤیه بچیه جهێ كورتكریان ل سه‌ر دێسكتۆپی و دشیان دایه دیلێت بكه‌ی ب گرتنا دوگما ویندوز + R و دێ تێدا نڤیسی RecycleBinFolder پاشان دێ په‌نجه‌ره‌ك ڤه‌بیت و فۆلده‌ر و تشتێن زێده یێن تێدا، دێ هه‌موویان ده‌ستنیشان كه‌ی و دیلێت كه‌ی.
3- فایل Temp
ئه‌ڤ فایله ژی گرێدایی وان فایلێن ده‌می یه یێن گرێدایی كارێ به‌رنامان د ناڤ كۆمپیۆته‌ری دا، ل گه‌ل بۆرینا ده‌می و كاركرنا زێده ل سه‌ر كۆمپیۆته‌ری ئه‌و ژی پڕ دبیت و كارتێكرنه‌كا خراب دكه‌ته سه‌ر دێسكی و ژ به‌ر هندێ ل سه‌ر ته پێدڤیه ئه‌وان فایلان ژی دیلێت بكه‌ی، یا ل سه‌ر ته پێدڤیه ب سێرچا ب ره‌خ ویندوزی ڤه لێبگه‌ری و پشتی دیار دبیت و وان ژی هه‌موویان ده‌ستنیشان بكه و پاشان دیلێت بكه.
4- ملف hiberfil.sys
ئه‌م هه‌موو دزانین كۆمپیۆته‌ری بێخینه د ره‌وشا راوه‌ستیانێ دا، پاشان دشیان دایه كۆمپۆته‌ری ب ڤه‌مرینی و پاتریێ ژ به‌ر بینی و بۆ ده‌مه‌كێ نه‌یێ دیار، پاشان ژی لێ ڤه‌گه‌ری و بكه‌یه به‌ر و ڤه‌گه‌رینی ل هه‌ر ده‌مێ ته ڤیا بێ ئاریشه، به‌لێ خوانده‌ڤانێ خوه‌شتڤی ته جاره‌كێ هزرا خوه كریه دێ چاوان ڤه‌گه‌ریه وێ ره‌وشێ و دووباره كۆمپیۆته‌ری ڤه‌مرینی و ڤه‌گه‌ریه سه‌ر وێ ره‌وشێ یا ته ده‌ستپێكری؟ به‌رسڤ ئه‌وه كو ئه‌ڤ كاره هه‌موو د hiberfil.sys دهێنه سه‌یڤ كرن و ل ده‌مێ دووباره‌كرنا ڤێ كریارێ فایل دێ مه‌زن و بنه ئه‌گه‌رێ پڕبوونا دێسكی
