ئه‌ڤ گوله بێی بچیته د ناڤ له‌شی دا مرۆڤان دكوژیت
ڤه‌كۆله‌رێن چینی د وارێ له‌شكری دا، گۆله‌یه‌كا نوو داهێنا كو ژ له‌زاتیا ده‌نگی ب له‌زتره و دبیته ئه‌گه‌رێ برینێن مه‌زن د ناڤ له‌شی دا، ئه‌ڤه وه‌كو گولێن دی ناچیته د ناڤ له‌شی دا.
ب گۆره‌یی سه‌رۆكێ ڤێ تیمێ، ل پشكا تاقیكرنا كارتێكرنا بایولۆژی یا چه‌كی ل باره‌گایێ ساخله‌میا تایبه‌تمه‌ند ل له‌شكرێ تشونگتشینگ گۆت: “دشیان دایه زیانێن به‌رچاڤ بهێنه تێبینیكرن ل گه‌ل پارچێن له‌شی ل ده‌مێ تووشبوونێ، وه‌كو شكه‌ستنا هه‌ستیان و خوون به‌ربوون و نه‌خۆشیێن میزلدانێ و مه‌عده‌ی و رووڤیكان و مێشكی”.
ڤێ ڤه‌كۆلینێ گه‌له‌ك به‌رزاێن هشیار و یێن سركری تێست كرینه كو گه‌له‌ك د تێستێن هه‌مبه‌ركرنا مرۆڤان دا دهێنه بكارئینان.
له‌زاتیا چه‌كێ نها د ناڤبه‌را 120 بۆ 370 مه‌ترایه د چركێ دا، به‌لێ ناسا دگه‌هیته له‌زاتیا 8500 مه‌تران ل پشكنینا نه‌یزیكان بۆ لێدانا گه‌شتێن ئه‌سمانی. زانایێن چینی تێستا ڤێ گولێ ب له‌زاتیا 1000 هه‌تا 4000 مه‌تران د چركێ دا كریه.
ئه‌نجام وه‌سان دیار دكه‌ن كو د له‌زاتیا ناڤبه‌را هزار بۆ سێ هزار مه‌تران د چركێ دا، گوله دروست كارێ خوه دكه‌ت، به‌لێ ل له‌زاتیا چار هزارێ وه‌كو یێن پێشتر كارتێكرنێ ناكه‌ت.
ئه‌ڤ ڤه‌كۆلینه وه‌سان ژی دیار دكه‌ت كو ئه‌ڤ گوله‌یه وه‌كو ڤۆلكانه‌كێ یه ده‌ما دگه‌هیته له‌شێ گیانه‌وه‌ره‌كی د سوژیت ب پلێن گه‌رمێ یێن گه‌له‌ك بلند كو وه‌كو تێكه‌له‌كێ روون و گازی یه.
گه‌له‌ك پێزانین ل سه‌ر ڤی بابه‌تی نه‌هاتینه به‌لاڤكرن، به‌لێ هه‌ر وه‌كو وێ چه‌ندێ یه شیره‌كێ كه‌ل ب فراولایه‌كێ دا كه‌ی. هه‌كه وه‌لاتێ چینێ شیا چه‌كه‌كی چێكه‌ت و گوله‌یێن وێ ژ ده‌نگی ب له‌زتر بوون، ئه‌ڤه دێ زیانه‌كا گه‌له‌ك خراب ئێخیته سه‌ر پاشه‌رۆژا مرۆڤان كو پێشتر نموونێن وه‌كو وێ نه‌بووینه.