ئه‌گه‌رێن ئێشانا ستوويێ مرۆڤى ل ڤێرێ بزانه
ئه‌ڤرۆ نيوز:
ئه‌گه‌رێن ل هه‌میا گرنگتر ئه‌ڤه‌نه:
• ژ ئه‌نجامێ رۆينشتنێ بۆ ماوه‌يه‌كێ درێژ ب رێكه‌كا خه‌له‌ت ل ده‌مێ خاندنێ ، يان ل ده‌مێ بكارئينانا كومپيوته‌رى (لاپتوپ)
• بكارئينانا دوشه‌كه‌كا نه‌باش ل ده‌مێ نڤستنێ
• بكارئينانا موبايلێ و ته‌له‌فونا ئه‌ردى بۆ ماوێن درێژ ده‌ما ئه‌و كه‌س سه‌رێ خۆ خاردكه‌ت به‌ره‌ڤ سه‌رملا (ئانكو بێخته دناڤبه‌را گوه وملا) ل جیاتی راگرتنا موبایلێ ب ده‌ستی
هنده‌ك هۆكارێن دی (ب شێوه‌یه‌كی كێمتر):
• ئه‌نجامێ هه‌بوونا خشيانه‌كێ ل بربرێ حه‌فكێ (إنزلاق فقرات)، و ل ڤان حاله‌تان دا ئێشان دده‌ته ڤه‌گرتنا ناڤملان و چۆكان و هه‌روه‌سا تپلان
• روويدانێن هاتن و چوونێ دبنه ئه‌گه‌رێ په‌يدابوونا ئێشانێن ستوويى ب تايبه‌تى ده‌مێ شوفێرێ ترۆمبێلێ ژلايێ پشتێ ڤه تۆشى لێكدان و ده‌عمكرنا ترۆمبێله‌كا ديتر دبيت ، كو سه‌ركێشته دژوارى يا زه‌ڤله‌كى
• هه‌وكرنا جومگه وهه‌ستییان (سوفان) ب تایبه‌تی دناڤ چینێ دان عه‌مرا دا
• هه‌ستیكێ زێده كو یێ گرێدایبیت ب بربرێن ستووی ڤه (كو دبێژنهێ په‌ڕاسیا حه‌فكێ)
• ژئه‌نجامێ هه‌ودانێن به‌كتريايى ل بربره‌يێن ستويى بۆ نموونه به‌كتريا ئێشا ته‌ده‌رونێ (سل)
• ته‌خه‌كا نه‌خۆشان هه‌يه دبيت ل ده‌ڤ وان وه‌رمێن په‌نجه‌شێرى هه‌بن ، يان يێن نه‌په‌نچه‌شێرى ، كارتێكرنێ ل بربره‌يێن ستوويى دكه‌ن ، و سه‌ردكێشته ئێشانێن ل ڤى جهى.