ئه‌گه‌رێ سه‌ره‌كی یێ خه‌لك حه‌ز ژ وێندوز 11 نه‌كه‌ت
ویندوز 11 ئێك ژ باشترین سیسته‌مێ كاركرنێ یێن كۆمپانیا مایكرۆسوفتن و ب ره‌نگه‌كێ گه‌له‌ك باش كار دكه‌ت و دشیانێن وی دایه ب ره‌نگه‌كێ گه‌له‌ك باش خوه ل گه‌ل وان ئه‌پلیكه‌یشنا بگۆنجینیت یێن ل گه‌ل كار دكه‌ن.
د سه‌ر ئه‌ڤ ساخله‌تێ هه‌ری باش كو هێڤێنێ سیسته‌مێ كاركرنێ یه، به‌لێ گه‌له‌ك كه‌سێن هه‌ین ل سه‌رانسه‌ری جیهانێ حه‌ز ژ ڤی سیسته‌می ناكه‌ن، ئه‌ڤه ژی بۆ چه‌ند ئه‌گه‌ران د ڤه‌گه‌ریت، بۆ نموونه كۆمه‌كا تشتان ل گه‌ل ڤی سیسته‌می دهێنه دانلۆدكرن، كو د راستی دا بكارئینه‌ران پێدڤی پێ نینه، ژ به‌ر وێ چه‌ندێ ژی جهی دگرن و وه‌كو به‌رنامێن بێزاركه‌ر دهێنه دیاركرن و جهی ژی دگرن.
ل ڤێره دێ هنده‌ك ژ به‌رچاڤترین وان ئه‌گه‌رێن بێزاركه‌ر د ویندوز 11 دا به‌رچاڤ كه‌ین:
– دیلێتكرنا ئه‌پلیكه‌یشنا كاره‌كێ گه‌له‌ك ب زه‌حمه‌ت: هنده‌ك ئه‌پلیكه‌یشن یێن هه‌ین د ناڤا سیسته‌می دا و جهی دگرن و كاریێ گه‌له‌ك ب كارئینه‌ران پێ نینه، به‌لێ ل گه‌ل وێ چه‌ندێ ژی هه‌كه هنده‌ك به‌رنامێن تایبه‌ت نه‌بن، نه‌شێی ب ته‌مامی خوه ژێ رزگار بكه‌یی.
– هێشتا ستارت یا سه‌رنجراكێش نینه: گوهۆڕینا جهێ ستارت هه‌ر ژ ده‌ستپێكێ ره‌خنه‌كا زۆر هاتیه گرتن و هێژ بكارئینه‌ران ب ره‌نگه‌كێ به‌رچاڤ حه‌زا خوه بۆ ڤێ گوهۆڕینێ نه‌دایه دیاركرن. دیسا ژ ئه‌گه‌رێ تایبه‌تمه‌ندیان ژی هنده‌ك ساخله‌ت هاتینه كێمكرن و ژ به‌ر هندێ ژی هنده‌ك خزمه‌ت هه‌نه ب زه‌حمه‌ت دگه‌هنێ.
– خوه تۆماركرنا مایكرۆسوفتی: هه‌ر ده‌مێ كه‌سه‌كی ڤیا ویندوز 11 بدانیت ل سه‌ر پێدڤیه خوه ب هژماره‌كا مایكرۆسوفتی تۆمار بكه‌ت. هه‌كه ڤیا ژی ب رێیه‌كا دی، خوه تۆمار كه‌ت، پێدڤیه هنده‌ك فێلان بكه‌ت هه‌تا بشێت ڤی كاری بكه‌ت.
– لیستا كارێن گرنگ وه‌كو به‌رێ نه‌مایه: د ویندوز 10 دا گه‌له‌ك تایبه‌تمه‌ندی هه‌بوون و دشیان دابوو مفای ژێ وه‌ربگری، به‌لێ نها ئه‌و تایبه‌تمه‌ندی نه‌میانه. تو نه‌شێی ب ساناهی ڤه‌گوهێزی و قه‌بارێ وان بچووك و مه‌زن بكه‌ی.
ئه‌ڤه و گه‌له‌ك گوهۆڕینێن دژی بووینه ئه‌گه‌ر كو بكارئینه‌ر حه‌ز ژ وێندوز 11 نه‌كه‌ت، د ده‌مه‌كی دا كو نها ئێك ژ باشترین سیسته‌مێن كاركرنێ یه، هه‌كه باشترین نه‌بیت.
