ئه‌گه‌ر و چاره‌سه‌ری بۆ گه‌رمبوونا چارچه‌رێ مۆبایلێ
ته‌كنولۆژیا:
هه‌ر وه‌كو دیار دێ سالا 2025ێ ژی پشت به‌ستنا مه ل سه‌ر چارچه‌رێ مۆبایلێ بیت، ژ به‌ر هندێ ژی دڤێت وی ب پارێزین كا چاوان مۆبایلێ ب خوه د پارێزین. ب تایبه‌ت ژی رۆژانه پێدڤی دبینی و دبیت زێده‌تر ژ جاره‌كێ ژی چو ل مال یان ناڤ ترۆمبێلێ یان ژی ل جهێ كاری. دبیت ته ئه‌و چه‌نده ژی تێبینی كربیت ل گه‌له‌ك هه‌لكه‌فتان دێ بینی، چارچه‌رێ مۆبایلێ یێ گه‌رم بوویی یان ژی گه‌له‌ك یێ گه‌رم بووی ل ده‌مێ گرێدانا وی ب كاره‌بێ ڤه.
ئه‌ڤه تشته‌كێ گه‌له‌ك به‌ربه‌لاڤه، ب تایبه‌ت هه‌كه ئامیرێ مۆبایلا ته ژ وی جۆری بیت یێن ب له‌ز دهێته پڕكرن. ل ڤێره جوداهیه‌كا مه‌زن یا هه‌یی د ناڤبه‌را گه‌رمبوونا نورمال و گه‌رمبوونا زێده دا كو ته نه‌چار دكه‌ت ب ڤه‌مرینی. هه‌ر ئه‌ڤه یه ژی ره‌وشا نورمال و ب ترس ژێك جودا دكه‌ت.
ده‌ما چارچه‌ری دده‌یه كاری و وایه‌ری دئێخیه مۆبایلێ، تو یێ وزێ ڤه‌دگوهێزی بۆ مۆبایلێ، چو پێ نه‌ڤێت ل وی ده‌می هنده‌ك ژ وێ هێزێ ب هه‌روه دچیت و ل سه‌ر ره‌نگێ گه‌رماتیێ دیار دكه‌ت. ئه‌ڤه نه‌ئاریشه‌یه، ئه‌ڤه ب تنێ بابه‌ته‌كێ فیزیایی یه. هه‌كه مۆبایل گه‌رم بوو ل ده‌مێ داگرتنێ ب تایبه‌ت هه‌كه گه‌له‌ك یا ڤالا بیت و ئه‌و گه‌رم نه ل ئاستێ گه‌له‌ك زێده بوو، پێدڤی ناكه‌ت خوه ب ترسینی و تشته‌كێ نورماله.
ژ به‌ر كو تو چارچه‌ره‌كێ باش ب كار دئینی و ژینگه‌هـ یا گۆنجایی یه، ئه‌ڤ گه‌رماتیه ژی پشكه‌كه ژ كارێ چارچكرنێ. ئه‌ڤ ئامیره ژی هه‌تا راده‌كێ مه‌زن هاتینه دروستكرن دا كو خوه ل به‌ر ڤان كه‌شان بگرن. ژ به‌ر هندێ ژی د ره‌وشێن نورمال دا، ئه‌ڤه تشته‌كێ دیاره.
ئاریشه ل وێرێ ده‌ست پێ دكه‌ت ده‌ما ئامیر گه‌له‌ك گه‌رم دبیت و ل ده‌مێ ده‌ستكرنێ هه‌ست ب ئارامیێ نه‌كه‌یی، ئه‌ڤه نیشانا وێ چه‌ندێ یه كو تشته‌كێ نه‌یێ دروست یێ هه‌یی.
ل هنده‌ك حاله‌تان، دبیت ئاریشه د وی ئالاڤێ چارچكرنێ ب خوه دا هه‌بن یان ژی كێبل یێ ژ كاركه‌فتی بیت یان ژی مۆبایل ئه‌گه‌ر بیت كو ئه‌و ئالاڤه گه‌رم بیت زێده ژ یا پێدڤی. گه‌له‌ك یا گرنگه ژی یێ هشیار بی مۆبایلێ نه‌هێلیه ل سه‌ر كاره‌بێ ده‌ما دبیته 100%ێ. ئه‌ڤه ژی دبیته ئه‌گه‌ر كو مۆبایل گه‌رم ببیت.
لایه‌نه‌كێ دی یێ سه‌ره‌كی یێ هه‌یی كو كوالێتیا چارچه‌رێ یه. هه‌موو چارچه‌ر ل دووڤ ئێك پیڤه‌ر ناهینه دروستكرن. چو ئه‌و بن یێن ژ كۆمپانیێن نه‌یێن به‌رنیاس دهێنه چێكرن یان ئه‌و بن یێن بهایێن وان د ئه‌رزان، ئه‌ڤه خوه ل به‌ر ناگرن و زیانێ دگه‌هینه مۆبایلێ.
د سه‌ر ڤێ چه‌ندێ هه‌موویێ را، زیان دگه‌هیته كێبلی ژی ژ ئه‌گه‌رێ بكارئینانێ و ئه‌ڤه ژی دبیته ئه‌گه‌ر كو نه‌چار كه‌ت پتر كار بكه‌ت و ب ڤێ چه‌ندێ ژی پلا گه‌رماتیێ زێده‌تر بلند دبیت. ل گه‌ل ڤێ چه‌ندێ ژی ئه‌و ژینگه‌ها تو مۆبایلا خوه ژی تێدا چارچ دكه‌یی كارتێكرنا خوه یا هه‌یی.
ده‌ما مۆبایلێ ل جهه‌كی د ئێخیه كاره‌بێ و ل بن تیشكا رۆژێ بیت ب ره‌نگه‌كێ ئێكسه‌ر یان ژی د ناڤ ترۆمبێلێ دابیت یان ژی ژووره‌كا پلا گه‌رمێ گه‌له‌ك یا بلند، پلا گه‌رماتیێ ده‌وروبه‌ر یا بلنده و ئه‌ڤه ژی دبیته ئه‌گه‌رێ په‌یدا بوونا «دزیپێكرنا گه‌رماتیێ» و رێ ناده‌ت چارچه‌ر ب دروستی خوه ب ته‌زینیت و ل دووماهیێ دبیته ئه‌گه‌رێ په‌یدابوونا گه‌رما زێده‌ت.
دێ چ كه‌یی هه‌كه چارچه‌ر گه‌له‌ك گه‌رم بوو؟
كارێ ئێكێ یێ ل سه‌ر ته پێدڤی بكه‌یی ئه‌وه ب هشیاری چارچه‌ری ژ مۆبایلێ ڤه‌كه‌یی ب هشیاری. ده‌ست نه‌دێ، ژ به‌ر كو دبیت یا ب مه‌ترسی بیت. پشكنینا ره‌وشا كێبلی و چارچه‌رێ بكه. هه‌كه ته تشته‌ك ب چاڤ دبیت ب گوهۆڕه ب تشته‌كێ دی ل گه‌ل مۆبایلا ته ب گۆنجیت.
ژ لایه‌كێ دی ڤه، هه‌كه دوكێل یان بێهنه‌ك ژ چارچه‌رێ هات، ئه‌وێ ژوورێ یان ئه‌وی جهێ ئه‌و چارچه‌ر لێ بجهـ بهێله. په‌یوه‌ندیێ ب خزمه‌تێن هاوارهاتنێ بكه. دبیت روودانه‌كا ئاگری دروست ببیت. د سه‌ر هندێ را كو ئه‌ڤ حاله‌ته گه‌له‌ك یێ كێمه. باشتره نه‌گه‌هیته ڤی راده‌یی. پتریا ره‌وشان گه‌رماتی یا نورماله و ناگه‌هیته وی راده‌یی خه‌مێ ژێ بخۆین.
ل گه‌ل ڤێ چه‌ندێ هه‌موویێ باشترین چاره ئه‌وه هه‌كه ته دیت چارچه‌ر وه‌كو به‌رێ كارێ خوه ناكه‌ت ژ به‌ر هه‌ر ئه‌گه‌ره‌كی ژ ئه‌گه‌ران زوو پڕ ناكه‌ت یان گه‌رم دبیت یان دروست ناكه‌ڤیتی یا سسته، باشتره خوه نه‌ئێخیه وارێ مه‌ترسیێ و ئێكسه‌ر چارچه‌ره‌كێ نوو بكری. دا خوه ژ ڤا ئاریشێن كاره‌بایێ ب پارێزی.
