ئه‌گه‌ر پشته‌ڤانی هه‌بیت ئافره‌تێن دهۆك دێ گوهۆرینان كه‌ت
ئه‌ڤرۆ:
سه‌روكا یانا ئافره‌تێن دهۆك دیاركر ئه‌و دێ چه‌ند گوهۆرینان د پێكهاتیێ تیما خوه یا فوتسالێ دا كه‌ن ئه‌وا پشكدار د خولا هه‌رێما كوردستانێ یا فوتسالا كچان دا بۆ یانێن نایاب.
زێده‌تر چریسك یونس د داخویانیه‌كا تایبه‌ت دا بۆ رۆژناما ئه‌ڤرۆ گۆت: بۆ قوناغا دویێ یا خولا كورستانێ پێدڤیه باشتر ژ قوناغا بوری خوه به‌رهه‌ڤ بكه‌ین و زێده‌تر سه‌ر وان كێماتیان كاربكه‌ین یێن تیمێ دا هه‌ین و زێده‌تر تیمێ بۆ قوناغا دویێ و ده‌سپێكرنا خولا ئیراقێ رێكبێخین له‌ورا ئه‌گه‌ر پشته‌ڤانیا دارایی ژ لایه‌نێن په‌یوه‌ندیدار نه‌بیت مه‌حاله بشێن گوهۆرینان بكه‌ین و یاریزانا زێده‌بكه‌ین تایبه‌ت ل هێلا به‌رگریێ.
هه‌روه‌سان ناڤهاتی ئه‌و چه‌نده ژی ئاشكرا كر نوكه دا ئه‌و دانوستاندنێ ل گه‌ل دو یاریزانێن پیشه‌كاردكه‌ن ئێك ژوان كوردا رۆژهه‌لاتێ كوردستانێ یه و به‌ری نوكه ل خولا ئیرانێ یاری بۆ چه‌ندین یانێن بهێزكرینه زێده‌باری ڤێ چه‌ندێ ل گه‌ل یاریزانه‌كا مسری ژی گه‌هشتینه رێككه‌فتنێ د ماوێ بهێت دا دێ په‌یوه‌ندیێ ب تیمێ كه‌ت بۆ قوناغا دویێ یا خولا كوردستانێ و ده‌ستپێكرنا خولا ئیراقێ.
هه‌ژی گۆتنێ یه د قوناغا ئێكێ یا خولا كوردستانێ دا ئافره‌تێن دهۆك رێزا دویێ د كوما ئێكێ دا دهێت ب 12 خالان ژ چار سه‌ركه‌فتن و خوساره‌تیه‌كێ ب جوداهیا سێ خالان ژ سه‌ركێشا ڤێ كومێ ئافره‌تێن هه‌ولێر ئه‌وا 15 خال كۆمكرین.
