ئه‌گه‌ر چاڤێن ته د لاوازن ئه‌ڤان تشتان نه‌خو
ئه‌ڤرۆ نیوز ، نه‌وزاد زاده هلۆرى:
ڤه‌كولینه‌كا نوێ ده‌رئێخستیه كو خوارنێن شیرین و دوهنى دبیته سه‌ده‌ما زیان گه‌هاندن ب دیتن و گلینه‌یا چاڤى.
بسپوور د وێ ڤه‌كولینێ دا گه‌هشتینه وى ئه‌نجامى كو مادده‌یێن خوارنا شیرین زیانێ ب تورا خانه‌یێن چاڤى دگه‌هینن و دێ بیته سه‌ده‌ما هه‌وركرنا وان.
ڤه‌كوله‌ر دیاردكه‌ن زێده‌گاڤیكرن د خوارنا ماددێن شه‌كرێ دا دبیته سه‌ده‌ما زێده‌بوونا رێژه‌یا شه‌كرا خوینێ كو ئه‌ڤ یه‌ك ژى د بیته سه‌ده‌ما وێ یه‌كێ كو ئه‌ڤێ شه‌كرێ په‌یوه‌ندیه‌كا ئێكسه‌ر ب سلامه‌تیا چاڤى ڤه هه‌یه.
توشبوویێن شه‌كرێ بۆ خوه پاراستن ژ سلامه‌تیا چاڤان پێدڤى یه رێژه‌یا شه‌كرێ دخوارنێ دا كێم بكه‌ن ، و هه‌روه‌سا ئه‌و كه‌سانێن كو چاڤێن وان د لاوازن پێدڤى یه دویر بكه‌ڤن ژ خوارنێن فێقیێ شیرین و خوارنێن دوهناتیان ” چه‌ورى ”
دئه‌نجامێ ئه‌وێ ڤه‌كولینێ دا دیاربوویه كو ئه‌و دانعه‌مرێن توشى نه‌خوشیێن چاڤان بووین پێدڤى یه دویر بكه‌ڤن ل خوارنا شیرین و رێژه‌یه‌كا كێم یا شیریناهیان بكاربینن بو خوارنێ هه‌تاكو بكارن پارێزڤانیێ ژ چاڤێن خوه بكه‌ن.
