ئه‌گوێرۆ: دووماهیه‌كا ب نه‌چاری و خه‌مگین بوو
ئه‌ڤرۆ،
ب چاڤێن رۆندك ڤه د پرێسكۆنفرنسه‌كێ تایبه‌ت ل یانا به‌رشه‌لۆنا یا ئسپانی ستێرا ئه‌رجه‌نتینی و یانا كاته‌لۆنی سێرچیۆ ئه‌گوێرۆ خاترا خوه ژ یاریا ته‌پا پێی خواست پشتی 18 سالان ژ كاروانه‌كێ پری ده‌ستكه‌فتێن نافخۆ و ده‌وله‌تی ده‌رئه‌نجامێ ئاریشێن دناڤ دلێ وی دا په‌یدابووین و نۆژداران زه‌نگلا مه‌ترسیێ بۆ لێدا هه‌كه ل سه‌ر یاریا خوه به‌رده‌وام بیت.
د ئاخفتنا خوه دا بۆ ده‌زگه‌هێن راگه‌هاندنێ ئه‌گوێرویی گوت: ئه‌ڤ بڕیاره یا نه خووشه و دووماهیه‌كا نه چاری و خه‌مگینه، هه‌رچه‌نده به‌ری ده‌ه رۆژان ئه‌ڤ بڕیاره هاتیه دان پشتی نوژدارێن پسپۆر هه‌موو بزاڤكرین بۆ رێكێن چاره‌سه‌ریێ لێ بێ ئۆمێن ماین و ئه‌ڤه ژی چه‌نسێ منه یا گرنگ ته‌ندروستی یه هه‌كه نه من شیانێن مه‌زن هه‌نه به‌رده‌وامیێ بده‌مه یاریێ، شانازیێ ب كاروانێ خوه یێ وه‌رزشی دبه‌م كو چه‌ندین ده‌ستكه‌فت ل گه‌ل هه‌لبژارتیێ ئه‌رجه‌نتین و یانێن پشكدار بوویم، خوه ژ وه‌رزشێ دوور ناكه‌م لێ نه وه‌كو یاریزان به‌لكۆ كاره‌كێ دی.
بۆ زانین سێرجیۆ ئه‌گوێرو ل 30ێ چڕیا ئێكێ یا بوری د یاریا به‌رشه‌لۆنه و ئالاڤیس دا تووشی دلته‌نگیێ بوو و دووڤدا پشكینیان دیاركر ڤایرۆسه‌كێ د دلێ وی دا دڤێت وه‌رزشێ نه‌كه‌ت، ناڤهاتی یێ 33ێ سالی یاری بۆ یانێن ئه‌تله‌تیكۆ مه‌درید، مانچسته‌ر ستی و به‌رشه‌لۆنا كریه و زێده‌تری 400 گۆل تۆماركرینه ئه‌وێ 15 ناسناڤ لسه‌ر ئاستێ یانه و كه‌سوكی هه‌نه و كۆپا ئه‌مریكا ل گه‌ل ئه‌رجه‌نتینێ ب ده‌ستڤه‌ئینایه.
