ئوباما ئەگەرێن شکەستنێن ئەرژەنتین د موندیالێ دا دیاردکەت
ب، ئەڤرۆ:
د پەیڤەکێ دا سەرۆکێ بەرێ یێ ئەمریکا میشێل ئوباما بوچونا خوە ل دور ئەگەرێ نە دەستڤەئینانا ھەلبژارتیێ ئەرژەنتین ناسناڤێ موندیالێن بوری ئاشکرا کرن.
د کونفرانسێ EXMA ٢٠١٩ ئەوا کارێن وێ ل بوگوتا یا پایتەختێ کولومبیا ھاتیە ئەنجامدان سەرۆکێ بەرێ یێ وەلاتێ ئەمریکا ئوبامای د پەیڤا خوە دا ھەلبژارتیێ تەپا پیێ یێ ئەرژەنتین وەک نموونە د ئاخفتنا خوە دا کار ئینا و دیارکر کو ھەلبژارتیێ ئەرژەنتین نەشیایە ناسناڤێ موندیالێن بوری ژ سالا ١٩٨٦ وەرە دەستڤەبینت و ئەگەرێ سەرەکی یێ ڤێ چەندێ ئەوە ئەرژەنتین سەرەرای ھەبوونا ھژمارەکا یاریزانێن خودان شیان و ستێر لێ شێوازێ یاریا کوم وەک ئێک تیم یاریێ ناکەت لەورا نەشَت چو ناسناڤان دەستڤە بینت ئەگەر ھەموو تیم یاریا کوم نەکەن سەرباری کو ھندەک کەس ھەنە خوە ب زیرەکێن جیھانێ دەردکەن لێ پێدڤی ب ھاریکاریا ھندەک کەسێن دی یە داکو بشێن خوە پێشبێخن و کارێن تاکەکەسی مەحالە بگەھیە گوپیتکێ ئەگەر ھاریکاریا چو کەسان دگەل دا نەبیت.