ئوزله‌م دێرسم: چێكرنا ئه‌لبۆمان سترانبێژان به‌ر ب ئاستێن بلند دبه‌ت
ئه‌ڤرۆ، شاهۆ فه‌رید:
ئۆزله‌م دێرسم، سترانبێژه‌كا باكوورێ كوردستانێ یه كو نوكه ل هه‌ولێرا پایته‌خت دژیت د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو بۆ ده‌مێ 15 سالانه ئه‌و سترانان دبێژیت، به‌لێ ب دیتنا وێ نوكه گه‌له‌ك جوداهی كه‌فتیه كارێ سترانگۆتنێ، ژ به‌ر كو د ڤی سه‌ره‌ده‌می دا سترانبێژ پتر ب رێیا سوشیال میدیایێ دهێته نیاسین د هه‌مان ده‌م دا كارێ پێشكێشكاریێ ل ته‌له‌ڤزیۆنان ژی دكه‌ن و ئه‌و ژی ژ ڤێ چه‌ندێ بێ به‌هر نه‌بوویه و سوشیالێ ئه‌و ژی بۆ خه‌لكی دایه نیاسین و گۆت: “هه‌تا نوكه من سێ كلیپ و ئه‌لبۆمه‌ك هه‌نه، به‌لێ نوكه مه‌زاختیێن چێكرنا ئه‌لبۆمان بووینه گه‌له‌ك، ئه‌ڤه دده‌مه‌كی دایه كو ئه‌لبۆم هونه‌رمه‌ندی پێش دئێخیت و به‌ر ب ئاستێن بلند دبه‌ت”.
ناڤهاتیێ خویا كر كو كارێ نوو یێ هونه‌ری ل به‌رده‌ستێن وێ هه‌یه، به‌لێ هه‌تا نوكه چو ژڤان بۆ ب دووماهی ئینانا وی كاری ده‌ستنیشان نه‌كرینه و گۆت: “ژ بلی كارێ چێكرنا كلیپ و ئه‌لبۆمان گه‌له‌ك داخوازی ژ من دهێنه‌كرن كو پشكداری روونشتنێن تایبه‌ت و ئاهه‌نگێن گشتی ببم”.
