ئيرانێ دانپێدان ب پشته‌ڤانيكرنا حوسيێن يه‌مه‌نێ كر
ئه‌ڤرۆ نيوز:
فه‌رمانده‌كێ سۆپايێ پاسدارێن ئيرانێ دان ب وێ يه‌كێ ئينا كو ته‌هران پشته‌ڤانيێ ل ميليشياتێن حوسى يێن يه‌مه‌ن دكه‌ن و هه‌ر وان ژى داخواز كريه كو دو كه‌شتيێن په‌ترۆلا سعودى ل باب مه‌نده‌ب بكه‌نه ئارمانج.
جه‌نرال ناسر شه‌عبانى، فه‌رماندێ سۆپايێ پاسدارێن ئيرانێ ئاماژه ب وێ يه‌كێ كر كو ميليشياتێن حوسى ل يه‌مه‌ن و حزبولا ل لوبنان نوونه‌راتيا كۆمارا ئيسلامى يا ئيرانێ ل دڤه‌رێ دكه‌ن.
ده‌ما كو شه‌رێ ناڤخوه يێ يه‌مه‌ن ده‌سپێكرى حوسيان ژ ئيرانێ چه‌ك و كه‌رستێن له‌شكرى وه‌ردگرتن، ئه‌ڤه ژبلى هاريكاريێن ماددى يێن وه‌لاتێ ئيرانێ بۆ ميليشياتێن حوسى.