ئيماراتێ فرۆكه‌كا ب هێزا رۆژێ كار دكه‌ت دهنێريته ئه‌سمانى
وه‌لاتى ئيمارات دهێته هژمارتن وه‌لاتێ ئێكێ ل جيهانێ بۆ پشت به‌ستن ل سه‌ر په‌ترۆلێ، به‌لێ ئه‌وان ژى نوكه سياسه‌تا خوه گوهۆڕى و بۆ ڤێ جارێ دێ فرۆكه‌كێ هنێريته ئه‌سمانى كو ب هه‌موو پشكێن خوه ڤه پشت به‌ستنێ ل سه‌ر هێزا رۆژێ دكه‌ت و دشێت 24 ده‌مژمێران بێ راوه‌ستان كار بكه‌ت.
بێتراند بيكارد و ئه‌ندريێ بۆشبێرگ ل سالا بۆرى ئه‌ڤ فرۆكه دروست كربوو و ل دۆر وه‌لاتێن ئێكگرتى يێن ئه‌مريكى زڤرى بوو، ل وى ده‌مى ئه‌و فرۆكه ژ 12 هزار شانێن رۆژێ پێك دهات و چار په‌روانێن كه‌هره‌بائى كو فرۆكا ئێكێ يه ل جيهانێ ب هێزا رۆژێ كار دكه‌ت.
دانا بهێت ژ ڤێ فرۆكێ ب ره‌نگه‌كێ باشتر هاتيه دروستكرن و ژ 17 هزار شانێن رۆژێ پێك دهێت و درێژاهيا په‌روانێن وێ ژى هندى يا فرۆكا بينۆنگ 747 ن، دهێته پێشبينيكرن چار تا پێنج هه‌يڤێن دى ل ئه‌سمانى بفريت.
شۆفێرێ ڤێ فرۆكێ بێتراند بيكارد د به‌ياننامه‌كێ دا راگه‌هاند كو ئه‌و دێ ب رێيا ڤێ كۆمپانيێ بۆ خه‌لكى راگه‌هينن كو ئه‌بۆ زه‌بى بنگه‌هێ هێزا جه‌مه‌دگرتى يه و دێ نيشا جيهانێ ژى ده‌ين چاوان دێ ژينگه‌هێ پارێزن.
مه‌سده‌ر كۆمپانيا ئيماراتى يا تايبه‌تمه‌ند ژ وارێ هێزا جه‌مه‌دگرتى دا، هه‌ڤكارا وايه د ڤى پرۆژه‌ى دا و ئه‌و دێ چاڤدێريا ڤى پرۆژه‌ى كه‌ت به‌رى بفريت و ل ده‌مێ فرينێ ژى.
به‌رهه‌ڤركرن: نيوار محه‌مه‌د سه‌ليم:
ژێده‌ر: CNN
