ئينسا دێ هێته هه‌رێما كوردستانێ
ئه‌ڤرۆ نيوز:
ئينسا هاكيا، سترانبێژا ئه‌لبانى ئاشكه‌را كريه كو بۆ نه‌ورۆزا ئه‌ڤ ساله دێ هێته هه‌رێما كوردستانێ.
سپێده‌هيا ئه‌ڤرۆ رۆژا ئێكشه‌مبى 10ى شوباتا 2019ێ ئينسا ل پشكا ستورى يا هژمارا خوه يا تايبه‌ت ل تۆڕا جڤاكيا ئينستگرامى پۆسته‌ك ب زمانێ كوردى به‌لاڤكريه و نڤيسيه: “سلاو كوردستان، چاوه‌روان بن نه‌ورۆزى ئه‌مسال به‌يه‌كه‌وه ده‌بين”.
ئه‌ڤ نڤيسينا ئينسايێ كرى ب زاراڤێ سورانى بوو و هندێ دگه‌هينيت كو ئه‌ڤ كونسێرته دبيت زێده‌تر ل هه‌ولێر يان سلێمانيێ بهێته ئه‌نجام دان، هه‌ر چه‌نده كو هه‌تا نها جهێ ئه‌نجامدانا كونسێرتێ نه‌هاتيه دياركرن.
ئينسا ل هه‌رێما كوردستانێ خودانێ پشته‌ڤانێن زێده‌يه و وێ ب خوه ژى پێشتر د به‌رنامه‌كێ تله‌ڤزيۆنى دا ئاماژه ب وێ چه‌ندێ كريه كو پشته‌ڤانێن وێ گه‌له‌ك كوردن.
ئه‌ڤ سترانبێژه ل 19ى چريا ئێكێ 1995ێ ل تيرانا يا پايته‌ختێ ئه‌لبانيا ژ دايك بووه، خودان چه‌ندين ڤيديۆ كليپه، كليپان ژى ژماره‌كا زۆر يا بينه‌ران بووه.
