ئينستگرامى گوهۆڕينه‌ك د وێنان دا كر
ئه‌ڤرۆ نيوز، فاتما مزوورى:
گۆهۆرينه‌ك د وێنێن تۆڕا جڤاكيا ئينستگرامى دا هاتيه كرن كو دشێن به‌رى به‌لاڤ بكه‌ن بۆ خوه دانه‌كێ بهێلن.
دوهى رۆژا سێشه‌مبى 20ى ئيلۆنا 2016ێ ڤێرژنه‌كێ نوو يێ پرۆگرامێ ئينستگرامى به‌رده‌ست كه‌فت كو تێدا گوهۆڕين د به‌لاڤكرنا وێنان دا هاتيه كرن و ب ڤێ گوهۆڕينێ ژى دا دشيان دايه وێنان ل لايێ خوه ب هێلن و به‌لاڤ نه‌كه‌ن.
د ڤى ڤێرژنێ نوو دا، هه‌كه وێنه‌كى ده‌ستكاريێ تێدا بكه‌ى و ره‌نگ و شێوازێ وى بگوهۆڕى، به‌لێ حه‌ز نه‌كه‌ى وى ده‌مى به‌لاڤ كه‌ى، يان ده‌م بۆ ده‌ستكاريكرنا وێنه‌ى نه‌ما، دێ شێى وێنه‌ى هه‌لگرى و ئه‌ڤ تايبه‌تمه‌نديه ژى د ناڤ ئينستگرامى دا نڤيسيه “Save Draft”.
نوكه كۆمپانيا تۆڕا جڤاكى فه‌يسبۆك خودانا ئينستگرامى يه و زوو زوو تايبه‌تمه‌نديێن نوو بۆ وێ ئه‌پليكه‌يشنێ زێده دكه‌ت، نوكه ژى ل سه‌ر ئاستێ جيهانێ ب ره‌نگه‌كێ گه‌له‌ك به‌رفره‌هـ دهێته ب كارئينان.