ئينستگرام شێوازێ نيشاندانا وێنان دگوهۆڕيت
ئه‌ڤرۆ نيوز:
پشتى كۆمپانيا تويته‌ر شێوازێ نيشاندانا تويتان گوهۆڕى، ئێكسه‌ر كۆمپانيا ئينستگرام ژى ژى راگه‌هاند كو ئه‌و ژى يا ل رێيه‌كا وه‌سان دگه‌ريت كو وێنه و ڤيديۆيێن پتر گرنگى پێ دهێته دان ل ده‌سپێكێ بهێنه نيشان دان.
كۆمپانيا ئينستگرام د نڤيساره‌كێ دا راگه‌هاند كو 70% ژ خه‌لكى وێنه و ڤيديۆ ژێ دچن و نابينن، ژ به‌ر هندێ ئه‌و ل رێيه‌كا تايبه‌ت يا نيشاندانا وێنه و ڤيديۆيان دگه‌رن كو ب ره‌نگه‌كى بيت ئه‌وێن پتر گرنگى پێ دهێته دان ل ده‌سپێكێ بهێنه نيشان دان.
ب ره‌نگه‌كى دى بێژين، ل ده‌سپێكێ هه‌تا دووماهيێ ئينستگرام رێ ب شێوازێ تايم لاين يێ وێنه و ڤيديۆيان بۆ هه‌موو گرێدايێن ب خوه ڤه ناده‌ت، به‌لكو دێ چه‌ندين رێيێن دى ل به‌ر سينگێ وان دانيت كو ب شێوازێ گرنگيدانێ ئه‌وان ببينيت.
دا زانين ژى كو د هه‌يڤێن داهاتى دا ئه‌و دێ وێ رێ به‌رچاڤ كه‌ن، به‌لێ ئه‌ڤه دێ چه‌نده‌كێ ڤه‌كێشيت، دا زانين ژى كو ئينستگرام دێ گوهداريا بۆچوونێن پشكدارێن خوه ژى د وى ماوه‌ى دا كه‌ت.
هه‌ر چاوان بيت هه‌كه ئينستگرام دێ گوهداريا پشكدار خوه كه‌ت باشتره ئه‌و ڤێ خزمه‌تگۆزاريێ بكه‌ته ل دووڤ حه‌زا پشكدارى، يێ ڤيا دێ ب كار ئينيت و يێ ڤيا ژى بكار نائينيت.
