ئۆتێلا ئێكێ يا بن عه‌رد سوبه‌هى دێ هێته ڤه‌كرن
ئەڤرۆ نیوز، نەوزاد ھلۆری:
بۆ جارا ئێكێ ل سەر ئاستێ جیھانێ، ئۆتێلەکا بن عەرد ل چینێ ھاتە چێکرن کو ژ 18 نھوما پێکدھێت و کوژمێ 288 ملیۆن دولاران لێ ھاتینە مەزاختن، ژ 366 ژووران پێکدھێت.
ب گورەيی نووچەیەکێ مالپەرێ (سکای نیوز) یێ عەرەبی بو جارا ئێكێ ل سەر ئاستێ جیھانێ ئۆتێلەکا بن عەرد ھاتە دروستکرن کو ژ 336 ژووران و 18 نھوما پێک دھێت و ل سەر ئێک ژ کانیێن ئاڤێ یێن کەڤن ھاتیە چێکرن.
مالپەرێ سكاى نيوز دیارکر ژی کو ئۆتێل دکەڤیتە باژێرێ (شنگنھايی) ھاتیە ب ناڤکرن ب (ئینتەرکونتنال شنگنھايی وێندەر لاند) ئێکە ژ ئۆتێلێن پێنج ستێر، بەرێ بنیاتێ پرۆژەيی دزڤریت بۆ سالا 2006ێ و سالا 2013ێ دەست ب چێکرنا وێ ھاتیە کرن و دووماھیا ئەڤ سالە ب دووماھی ھاتیە و کوژمێ 288 ملیۆن دۆلارێن ئەمریکی ل چێکرنا وێ ھاتینە مەزاختن، بھایێ نڤستنێ بۆ ئێک شەڤ د ناڤبەرا 530 بۆ 860 دولاران دایە.
ئەندازیارێ پرۆژەيی (مارتن یوخمان) ده‌رباره‌يى پرۆژەيی گۆت: (ئۆتێلا ئینتەرکونتنال شنگنھايی وێندەر لاند) ژ وان ھەموو ئاڤاھی و ئۆتێلا جیاوازترە ئەڤێن کو ل وەلاتێن دى من چێکرین مینا دوبەيی و ئورۆپا، ئەز دخوازم کو مفایەکێ باش بۆ ھەموان ھەبیت).
وەسا بڕیارە کو سوبەھی رێکەفتی 20ى چريا دويێ 2018 د رێورسمەکێ دا بھێتە ڤەکرن.
