ئۆتێلا به‌ری یا سه‌رسنكێ ل سه‌ر دیزاینێ به‌رێ دێ هێته نووژه‌نكرن
ئامێدیێ، مه‌حمود نهێلی:
رێڤه‌به‌رێ ناحیا سه‌رسنكێ بۆ رۆژناما ئه‌ڤرۆ دیار كر، نوكه ئۆتێلا به‌ری یا سه‌رسنكێ ل سه‌ر دیزاین و شێوێ خوه‌یێ كلاسیكێ یێ كه‌ڤن و ب رنگه‌كێ باش یا دهێته نووژه‌نكرن و كار ل سه‌ر یێ به‌رده‌وامه.
نه‌شوان حسنی، رێڤه‌به‌رێ ناحیا سه‌رسنكێ خویا كر، پرۆژێ نووژه‌نكرنا ئۆتێلا به‌ری یا سه‌رسنكێ پرۆژه‌كێ وه‌به‌رهێنانێ یه و ژلایێ كۆمپانیه‌كا ناڤخوه‌یی ڤه دهێته چێكرن و گۆت: “ئه‌ڤ ئۆتێله ب ره‌نگه‌كێ باش و ل سه‌ر دیزاین و شێوێ خوه‌یێ كلاسیكێ یێ كه‌ڤن دهێته چێكرن، نوكه كار تێدا به‌رده‌وامه و بڕیاره ل ناڤه‌راستا سالا بهێت بكه‌ڤیته د خزمه‌تا گه‌شتیاران دا”.
ئوتێلا به‌ری ئێكه ژ جهێن گه‌شتیاری یێن سنوورێ ناحیا سه‌رسنكێ كو ژلایێ شاهێ عیراقێ یێ وی ده‌می ڤه هاتیه چێكرن، ل سالا 1946 ده‌ست ب چێكرنا ڤێ ئۆتێلێ هاته كرن و پشتی پێنج سالان كار تێدا دهاته كرن ل سالا 1951 كار تێدا ب داوی هات و كه‌فته د خزمه‌تا گه‌شتیاران دا.
ئه‌ڤ ئوتێله ژ 63 ژوور و دو قاتان پێك دهات، ب شێوازه‌كێ ئه‌ورۆپی هاتبوو قه‌ره‌میتكرن و دو هولێن مه‌زنێن خوارنێ، دیسا هوله‌كا سینه‌مایی و هوله‌كا شانۆیێ و مه‌له‌ڤانگه‌هه‌كا پێشكه‌فتی د ناڤ دا هه‌بوون.
چێكرن و ڤه‌كرنا ڤێ ئوتێلێ بوو ئه‌گه‌ر سه‌رسنكێ ببیته ناحی و ژ به‌ر وێ یه‌كێ ژی ل سالا 1952 سه‌رسنك بوو ناحیه.
