ئۆدیگارد: ناسناڤێ پرێمەر لیگا ئێكلا نەبوویە
د نووترین داخویانییا خوە دا یێ نەرویجی مارتن ئۆدیگارد ستێرێ یانەیا ئارسنال یا ئنگلتەرایێ پەسنا مێرخاسییا یاریزانێن یانەیا خوە كر بەرانبەر یانەیا مانچستەر ستی پشتی شیایین ب پێنج گۆل بەرانبەر گۆلەكێ سەركەفتنێ بینن د خولا پرێمەرلیگ دا ئەوا بەری سێ رۆژان هاتیە كرن.
مارتن ئۆدیگاردی بۆ رۆژنامەیا میرۆر یا بریتانی گۆت: هەموو یاریزانان ب ئاستەكێ بلند و مێرخاسی دناڤ یاریگەهێ دا ئەنجامدا و شیان بەرانبەر ئێك ژ ب هێزترین یانەیێن ئۆرۆپا سەركەفتنەكا مەزن بینن، ئەڤ سەركەفتنە گەلەك یا گرنگ بوو و دۆپاتكرنە كو ئەم یێ ل سەر ئارمانجا خوە و ناسناڤێ پرێمەر لیگ ئێكلا نەبوویە لەوما ژی دەست ژ سەركەفتنان و هیڤیێن خوە بەرنادەین.
بۆ زانین یانەیا لیڤەرپۆل سەرێ لیستا خولێ دهێت ب كۆمكرنا 56 خالان و كێمتر ئێك یارییا پاشئێخستی ئەوا دێ ئەڤرۆ بەرانبەر ئیفرتۆن هێتە كرن، ئارسنال ب50 خالان رێزا دویێ دهێت، نۆتینگهام فۆریت ب47 خال، چێلسی ب43 خال و مانچستەر ستی ب41 خالان رێزێن سێیێ هاتە پێنجێ دهێن.
