ئۆرۆپا: به‌رسڤا ئیرانێ گه‌له‌ك باش بوو
ئه‌ڤرۆ:
جۆزیپ بۆریل به‌رپرسێ سیاسه‌تا ده‌رڤه یا ئێكه‌تیا ئۆرۆپا راگه‌هاند كو وان به‌ری نها ژ بۆ رێككه‌فتنا ئه‌تۆمی پێشنیازێن خوه ئاراسته‌ی ئیرانێ كربوون و به‌ری دو رۆژان ژی ئیرانێ به‌رسڤا وان دایه و گۆت: (به‌رسڤا ئیرانێ گه‌له‌ك باش بوو، هه‌كه نها ئه‌مریكا ژی تشتێن كو به‌ری نها گۆتی بجه بینیت دێ رێككه‌فتنه‌كا باش د ناڤبه‌را ئیرانێ و ئه‌مریكا دا هێته كرن).
ناڤهاتی ئه‌و یه‌ك ژی دیار كر كو وه‌لاتێن ئێكه‌تیا ئۆرۆپا ده‌مه‌كه كار دكه‌ن دا كو ئیران و ئه‌مریكا بشێن ل سه‌ر هنده‌ك خالان رێككه‌ڤن و پرسا به‌رنامێ ئه‌تۆمی چاره‌سه‌ر بكه‌ن، نها هه‌لوه‌ستێ ئیرانێ باشه و د جهێ خوه دایه و مه دڤێت هه‌لوه‌ستێ ئه‌مریكا ژی باش بیت.
چاڤدێرێن سیاسی ژی دیار دكه‌ن كو هه‌كه ڤێجارێ رێككه‌فتنه‌ك د ناڤبه‌را ئیرانێ و ئه‌مریكا دا بهێته كرن ژی ئه‌و یه‌ك نابیته ئه‌گه‌رێ بهێزبوونا پێگه‌هێ ئیرانێ ل ده‌ڤه‌رێ، چونكی رێككه‌فتنا ڤێجارێ زێده‌تر بۆ هندێ یه دا ئیران بشێت خوه ژ قه‌یرانا ئابووری قورتال بكه‌ت و ئه‌مریكا ژی دێ ب مه‌رج هنده‌ك سزایێن ئابووری ل سه‌ر ئیرانێ راكه‌ت.
