ئۆرۆپا بێی ئەمریکا نەشێت خوە بپارێزیت
سکرتێرێ گشتی یێ ناتۆ دیار کر، دڤێت وەلاتێن ئێکەتیا ئۆرۆپا و ئەندامێن ناتۆ ل گۆر راستیێن هەی کار بکەن، چونکی ئێکەتیا ئۆرۆپا بێی ئەمریکا نەشێت خوە پارێزیت و گرنگە د رەوشا نها یا هەستیار دا ئێکەتیا ئۆرۆپا پەیوەندیێن خوە ل گەل ئەمریکا تێک نەدەت.
مارک رۆتە ئەو یەک ژی دیار کر، راستە نها ژ بەر گزیرتا گرینلاند ئاریشێن گەلەک مەزن د ناڤبەرا ئەمریکا و وەلاتێن ئێکەتیا ئۆرۆپا دا هەنە، لێ نها رەوشا جیهانێ ژی گەلەک خرابە و ئالۆزیێن گەلەک مەزن هەنە و مەترسیێن گەلەک مەزن ژی ل سەر ئۆرۆپا هەنە و دڤێت وەلاتێن ئێکەتیا ئۆرۆپا باش بزانن تنێ ناتۆ نەشێت وان پارێزیت، ئانکو وەلاتێن ئێکەتیا ئۆرۆپا بێی ئەمریکا نەشێن خوە پارێزن و دڤێت نها ئێکەتیا ئۆرۆپا پەیوەندیێن خوە ل گەل ئەمریکا تێک نەدەت، چونکی ئەو یەک د بەرژەوەندیا وەلاتێن ئێکەتیا ئۆرۆپا دا نینە و دڤێت پەیوەندیێن خوە ل گەل ئەمریکا باش بکەین.
