ئۆرۆپا: دێ سزایێن نوو ل سەر رۆسیا سەپینین
سەرۆکا کۆمسیۆنا ئێکەتیا ئۆرۆپا راگەهاند، رۆسیا بابەتێ گەنمی وەکو چەکەکێ ل دژی جیهانێ بکار دئینیت، هەروەسا رۆسیا ب هەموو شیانێن خوە ژی ئێرشی ئۆکرانیایێ دکەت و تاوانێن مەزن ئەنجام داینە، بەری نها وان هۆشداری داینە رۆسیا، لێ مخابن هەتا نها ژی رۆسیا ل سەر هەلوەستێ خوە بەردەوامە، ژ بەر هندێ ژی وەکو ئێکەتیا ئۆرۆپا ئەو ل سەر پرۆژەکێ کار دکەن کو ژ ١٢ خالان پێک دهێت و وان دڤێت ب توندی رۆسیا سزا بدەن.
ئورسولا ڤۆن دیر لاین ئەو یەک ژی دیار کر، دڤێت رۆسیا رێزێ ل قانوونێن نێڤدەولەتی بگریت و ئەو پەیمانێن کو بەری نها ئیمزا کرینە ژی بجه بینیت، هەکە رۆسیا کارەکێ وەسا نەکەت و ل سەر هەلوەستێ خوە یێ نها بەردەوام بیت، بێگومان وەکو ئێکەتیا ئۆرۆپا ئەو دێ ب توندی رۆسیا سزا دەن و نها کار بۆ ڤێ یەکێ ژی دهێتە کرن.
