ئۆرۆپا: نەچارین د بیاڤێ سەربازی دا خوە بهێزتر بکەین
بەرپرسا سیاسەتا دەرڤە یا ئێکەتیا ئۆرۆپا دیار کر پشتی سیاسەتا ترامپی یا ل دۆر ئێکەتیا ئۆرۆپا و جیهانێ ب گشتی، ئێکەتیا ئۆرۆپا نەچارە د بیاڤێ سەربازی دا خوە بهێزتر بکەت و نها بۆدجەیەکا تایبەت بۆ بهێزکرنا بیاڤێ سەربازی یێ ئێکەتیا ئۆرۆپا هاتیە تەرخان کرن.
کایا کالاس ئەو یەک ژی دیار کر، ناکۆکیێن ئەمریکا ل گەل چینێ و سیاسەتا توند یا ترامپی ل گەل ئێکەتیا ئۆرۆپا وەسا کریە کو وەکو ئێکەتیا ئۆرۆپا ئەو نەچارن ئێدی دەست ب قووناغەکا نوو بکەن و د بیاڤێ سەربازی دا پتر پێگەهێ خوە بهێز بکەن، چونکی ناکۆکیێن نها دشێن د پاشەرۆژێ دا مەترسیێ بۆ ئێکەتیا ئۆرۆپا دروست بکەن.
چاڤدێرێن سیاسی ژی دیار دکەن، ترامپ و پۆتین ژ بۆ چارسەرکرنا پرسێن نها یێن جیهانێ و رۆژهەلاتا ناڤین چو گرنگیێ نادەنە ئێکەتیا ئۆرۆپا، ژ بەر ڤێ یەکێ ژی وەلاتێن ئێکەتیا ئۆرۆپا کار بۆ بهێزکرنا پێگەهێ خوە یێ سیاسی و سەربازی دکەن.
