ئۆرۆپا په‌یوه‌ندیێن وه‌رزشی ل گه‌ل رۆسیا راوه‌ستاند
ئه‌ڤرۆ،
ده‌رئه‌نجامێ شه‌ڕێ وه‌لاتێ رۆسیا ل سه‌ر ئۆكراینێ و بزاڤێن داگیركرنا وێ چه‌ند وه‌لاتێن ئۆرۆپا ب ده‌زگه‌هێن خوه یێن وه‌رزشی ڤه و ئێكه‌تیا یۆفا بڕیار دا په‌یوه‌ندیێن خوه ب هه‌موو كارێن وه‌رزشی و بازرگانی و بازاركرنێ ل گه‌ل رۆسیا ب راوه‌ستینن هه‌تا ده‌مه‌كێ نه دیار.
ل ده‌ستپێكێ ئێكه‌تیا ته‌پا پیێ یا ئۆرۆپا بڕیارا فه‌رمی دا كو یاریا دووماهیا چامپیۆنز لیگ ژ رۆسیا بۆ فره‌نسا بهێته ڤه‌گۆهاستن، ئه‌وا دهاته چاڤه‌ڕێكرن یاری ل 28ێ ئه‌یارا بهێت ل یاریگه‌ها سانت پوترۆسبۆرگێ لێ بڕیاره یاریگه‌ها دۆ فرانس ل ساندونی مێڤانداریا وێ بكه‌ت.
ژلایه‌كێ دووڤه رۆژناما لكیپ یا فره‌نسی دیاركر ئێكه‌تیا ناڤهاتی یۆفا پێنگاڤا ئێكێ هاڤێتیه ژبۆ هه‌لوه‌شاندنا گرێبه‌ستا دناڤبه‌را وێ و كۆمپانیا غازبرۆم یا روۆسیا ئه‌وا سالانه 40 ملیۆن یۆرۆیا پێشكێشی ئێكه‌تیا ئۆرۆپا دكه‌ت ژبۆ چاڤدێریا چالاكیێن وێ كو بۆ ماوێ ده‌ه سالانه هاتیه ئیمزاكرن، ژلایێ خوه‌ڤه یانا شالگا یا ئه‌لمانی بڕیاردا راكرنا لۆگیێ كۆمپانیا غازبرۆم لسه‌ر درێسێن تیمێن خوه و هه‌لوه‌شاندنا گرێبه‌ستا دناڤبه‌را واندا، هه‌روه‌سان یانا مانچسته‌ر یۆناتید هه‌مان پێنگاڤ هاڤێتیه و سپۆنسه‌ریا خوه ل گه‌ل كۆمپانیا ئیرۆفلۆت یا رۆسیا هه‌لوه‌شاند.
دیسان ئێكه‌تیا ئۆرۆپا بڕیاردا چو یاریێن چامپیۆنز و هه‌ر چالاكیه‌كا وان ل سه‌ر ئه‌ردێ یاریگه‌هێن یانێن رۆسیا و ئۆكراینێ نه هێنه كرن ژوانا یاریا به‌رشه‌لۆنا ل گه‌ل سیسكا موسكۆ ژ قاره‌مانیا ئێكه‌تیا ئۆرۆپا دا، ژبه‌ر ئه‌گه‌رێن ئێمناهیێ و سلامه‌تیا یاریزانا و شاندنێن ل گه‌ل دا و یاریێن وان دێ ل یاریگه‌هێن بێ لایه‌ن هێنه ئه‌نجامدان.
دیسان به‌رپرسێن قاره‌مانیا قاره‌مانیا فۆرمێلا وان یا ئۆرۆپا بڕیاردا قاره‌مانیا وه‌رزێ ئه‌ڤ ساله ل رۆسیا بهێته هه‌لوه‌شاند ئه‌وا بڕیار بوو ل 25ێ ئه‌یلۆنا بهێت هاتبا ئه‌نجامدان.
لسه‌ر ڤێ چه‌ندێ لایه‌نێ رۆسیا بێ ده‌نگ نه‌بوویه، لدووڤ راپۆرتا تۆرا بی ئێن سپۆرت یا قه‌ته‌ری دیاركر ئێكه‌تیا ته‌پا پێی یا رۆسیا دێ نڤێساره‌كا فه‌رمی یا نه‌رازیبوونێ بۆ ئێكه‌تیا ته‌پاپێی یا ئۆرۆپا و فڕێكه‌ت بۆ تێهه‌لچوونا ڤێ بابه‌تی و دیاركریه نابیت وه‌رزشێ تێكه‌لی سیاسه‌تێ بكه‌ن و وه‌رزشڤانا چو گونه
