ئۆرۆپی ل دژی رۆسیا رێككه‌فتن
ئه‌ڤرۆ:
وه‌لاتێن ئێكه‌تیا ئۆرۆپا سه‌باره‌ت ب سزادانا رۆسیا رێككه‌فتن و بریار دان كو هه‌تا دووماهیا ئه‌ڤساله رێژه‌یا كڕینا په‌ترۆلێ ژ رۆسیا ٩٠% كێم بكه‌ن و هه‌روه‌سا د بیاڤێ ئابووری دا ژی پێكڤه ده‌ست ب سزادانا رۆسیا بكه‌ن.
د ڤێ ده‌ربارێ دا وه‌زاره‌تا ده‌رڤه یا ئه‌لمانیا راگه‌هاند كو دڤێت وه‌لاتێن ئێكه‌تیا ئۆرۆپا ئێدی ده‌ستان ژ كڕینا په‌ترۆلا رۆسیا به‌رده‌ن و ده‌ست ب سزادانا رۆسیا بكه‌ن، چونكو یا نها رۆسیا ل ئۆكرانیایێ دده‌ت مه‌ترسیا خوه بۆ هه‌موو ئۆرۆپا هه‌یه و نابیت وه‌لاتێن ئێكه‌تیا ئۆرۆپا ل هه‌مبه‌ر زۆرداریا رۆسیا ل ئۆكرانیایێ بێ هه‌لوه‌ست بن، ژ به‌ر هندێ ژی بریارا دو رۆژان یا به‌ری نها ل دۆر سزادانا رۆسیا گه‌له‌ك گرنگه و دهێته خواستن وه‌لاتێن ئێكه‌تیا ئۆرۆپا خوه بۆ قۆناغه‌كا نوو یا بێی په‌ترۆلا رۆسیا ئاماده بكه‌ن.
وه‌زاره‌تا ده‌رڤه یا فره‌نسا ژی راگه‌هاند كو هه‌لوه‌ستێ نوو یێ وه‌لاتێن ئێكه‌تیا ئۆرۆپا پێنگاڤه‌ك گرنگ و د جهێ خوه دایه و دڤێت رێگری ل پیلانێن رۆسیا ل دژی ئۆرۆپا بهێته كرن.
