ئۆرۆپی چاڤەرێی ئەنجامێن هەلبژارتنێن فرەنسا نە
دوهی هەلبژارتنێن پەرلەمانێ فرەنسا هاتنە کرن و پڕانیا وەلاتێن ئێکەتیا ئۆرۆپا ژی چاڤەرێی ئەنجامێن هەلبژارتنێن فرەنسا نە، چونکی سەرکەفتنا پارتا توندرەو د هەلبژارتنان دا دێ کاریگەریا خوە ل هەموو ئۆرۆپا کەت و ژ بەر ڤێ یەکێ ژی سەرکردێن ئۆرۆپی چاڤەرێی ئەنجامێن هەلبژارتنێن پەرلەمانی نە ل فرەنسا.
چاڤدێرێن سیاسی ژی دیار دکەن د هەلبژارتنێن ڤێ دووماهیێ یێن پەرلەمانێ ئێکەتیا ئۆرۆپا دا پارتێن توندرەو و نەتەوەیی شیان سەرکەفتنەکا مەزن بدەستڤە بینن و هەکە ل فرەنسا ژی پارتا توندرەو بشێت سەرکەڤیت ئەو یەک دێ کاریگەریا خوە ل هەموو ئۆرۆپا کەت.
ل گۆر باوەریا چاڤدێرێن سیاسی سەرکەفتنا پارتێن نەتەوەیی و توندرەو دێ کاریگەریەکا گەلەک خراب ل ئاستێ دیموکراسیێ ل ئۆرۆپا کەت، چونکی هێزێن نەتەوەیی و توندرەو ل دژی دیموکراسیێ و بنەمایێن مافێن مرۆڤی کار دکەن و ئەو یەک ژی دشێت ئۆرۆپا بەر ب قۆناغەکا نوو یا مەترسیدار ڤە ببەت.
