ئۆرۆگوای ناسناڤێ مۆندیالا لاوان ب دەستڤە ئینا
هەلبژارتیێ ئۆرۆگۆایی ب ناسناڤێ قارەمانیا مۆندیالا جیهانی 2023ێ ل سەر ئاستێ لاوان بۆ ژیێن كێمتر 20 سالی هاتە خەلاتكرن، پشتی د یاریا دووماهیێ دا ب سەركەفتی ل سەر هەڤڕكا خوە هەلبژارتیێ ئیتالیا ب گۆلەكێ بێ بەرانبەر ئەوا د خولەكا 92ێ دا ژلایێ یاریزانێ وێ ماتیۆ ئەنتونیۆ، هاتیە تۆماركرن د یاریا واندا ئەوا درەنگیا شەڤا ئێكشەمبیا بۆری ل یاریگەها دیێگۆ ئارماندۆ مارادۆ ل باژێرێ لابلاتا وەلاتێ ئەرجەنتین هاتیە كرن.
بڤێ ناسناڤی ئۆرۆگۆایی كۆنترۆلا هەلبژارتیێن ئۆرۆپا ل سەر ناسناڤێن مۆندیالا لاوان ب دووماهی ئینا ئەوا چار ناسناڤ ل دووڤ ئێك هەلبژارتیێن فرەنسا2013، سربیا2015، ئنگلتەرا2017 و ئۆكراین2019 ئیناین، هێرشبەرێ ئیتالیا سیزاری كاسادی ب تۆماركرنا حەفت گۆلان بوو گۆلكەرێ قارەمانیی، بۆ زانین هەلبژارتیێ ئەرجەنتین خودانا پترین رێژەیا ناسناڤانە ب شەش جاران، دووڤدا بەرازیل ب پێنچ ناسناڤان
