ئۆسیك بوو قارەمانێ 2024ێ
بۆكسڤانێ جیهانی یێ ئوكراینی ئۆلیكسەندر ئۆلیكسەندرۆڤێچ ئۆسیك ناسناڤێ قارەمانییا كێشا گران ل سەر ئاستێ نێڤدەولەتی بۆ سالا 2024ێ ب دەستڤە ئینا پشتی شیایی بۆ جارا دویێ ل دووڤ ئێك د یارییەكا ڤەبڕ دا ب سەركەڤیت ل سەر هەڤڕكێ خوە یێ بریتانی تایسۆن ڤیۆری ب 118 خالان بەرانبەر 112 خالان، د یارییا واندا ئەوا ل سەر دەپێ شەڕی ئارینا ل دەمژمێرێن دەستپێكێ یێن دوهی ل پایتەختێ سعۆدیێ ریاز هاتیە كرن ئەوا نێزیكی 18 هزار كەسان دناڤ هۆلێ دا بەرهەڤ بووین.
ئۆسیك شیا سەركەفتنا خوە یا دویێ ل سەر ڤیۆری دۆبارە بكەت و ببیتە قارەمانێ جیهانێ بۆ سالا 2024ێ ئەوێ 37 سالی و كێشا وی دگەهیتە 102كگم و درێژاهییا وی 1.91 سم شیایی 23 سەركەفتنان د قارەمانیێن جودا دا بینت د قارەمانیێن جودا یێن WBO و WBC وWBA وIBO. و چو خوسارەتی نەداین و ب فەرمی ژلایێ فدراسیۆنا جیهانێ یا بۆكسانی ببیتە قارەمانێ ئێكانە بۆ سالا 2024ێ و شیایی چار قایشێن گران بوها ب دەستڤە بینت.
