ئۆفەرەك بۆ بكارئینەرێن فەیسبۆك و ئینستگرامێ
ئەڤرۆ
كۆمپانیا مێتا كو خودانا فەیسبۆك و ئینستگرامی دكەت، بڕیار دایە بۆ هەردو تۆڕێن جڤاكی ل بەرامبەر دابینكرنا خزمەتگۆزاریا ناساندنێ «ڤێریفا» كۆژمەكێ پارەیی ژ بكارئینەران وەربگریت.
كۆمپانیا مێتا بەلاڤكریە كو مارك زوكەربێرك رێڤەبەرێ بجهئینەرێ كۆمپانیایێ ل كەنالێ مێتا یێ خوە بەلاڤكریە كو ئەو كەسێن حەزا خزمەتا ناساندنێ بۆ فەیسبۆك یان ئینستگرامی هەیی، دێ كۆژمەكێ پارەی ژێ هێتە وەرگرتن. ئەڤە ژی ئێكە ژ گرنگترین تایبەتمەندیێن كۆمپانیێ بۆ بكارئنیەران، هەكە كەسەكی بڤێت ب فەرمی بهێتە نیاسین (سەحا شین) دڤێت هەیڤانە كۆژمەكێ پارەیی بدەت.
مێتا ڤێریفای ب تنێ بۆ ئەكاونتێن وان كەسان ل بەردەستە و بهایێ هەیڤانە 14 دۆلار و 99 سەنتن هەكە ل سەر سیستەمێ ئای ئو ئێس یان ئەندرۆید بیت، بەلێ هەكە بۆ سەر كۆمپیۆتەری بیت هەیڤانە 11 دۆلار و 99 سەنتن.
د وێ دەربارێ دا، زۆكەربێرگ راگەهاند، « ئەڤرۆ مێتا ڤێریفای ل ئەمریكا هاتە نمایشكرن، پشكدار دشێن نیشانێ و پاراستنا خۆ ڤەدزینا چالاك بكاربینن».
بڕیارا زوكەربێرگ بۆ دەستپێكرنا خزمەتگۆزاریا پشكداریكرن بۆ پلاتفورمێن سوشیال میدیایێ پشتی وێ چەندێ دهێت كو كۆمپانیا تویتەر كو ئیلۆن ماسك خودانێ وێ یە ل هەیڤا كانوونا دویێ یا ئەڤ سالە خزمەتگۆزاریا پشكداریكرنا خوە ب ناڤێ تویتەر بلو دەستپێكریە.
د نها دا كۆمپانیا مێتا دێ ڤێ خزمەتگۆزاریێ ئێخیتە بەر دەستێ بكارئینەران ل ئەمریكا و ئوسترالیا و نیوزلەندا، بەلێ خەلك دشێت پشكداری لیستا چاڤەرێبوونێ بكەن دا كو ئاگەهداركرنەكێ وەربگرن كا دێ كەنگی ل دەڤەرا وان بەردەست بیت.
دیسا ئەو بكارئینەرێن د نها دا نیشانا پشتراستكرنێ هەیی، دشێن داخوازا پشكداریكرنێ مێتا وێریفای بكەن، بەلێ كۆمپانیێ راگەهاندیە، پلان نینە چو گوهۆڕینەكێ د وان كەسان دا بكەن كو پێشتر نیشانا پشتراستكرنێ وەرگرتیە.