ئۆكرانیا: رۆسیا ب هه‌موو شیانێن خوه‌ ئێرشی مه‌ دكه‌ت

سه‌رۆكێ ئۆكرانیایێ راگه‌هاند كو رۆسیا ب درۆنان و مۆشه‌كێن پێشكه‌فتی ئێرشی باژێرێن وان دكه‌ت و ژ به‌ر ئێرشێن چه‌ند رۆژێن بۆری ژی گه‌له‌ك وه‌لاتیێن سڤیل بووینه‌ قوربانی، ئه‌و یه‌ك ژی نیشا دده‌ت كو رۆسیا به‌رهه‌ڤ نینه‌ شه‌ری بده‌ته‌ راگرتن، به‌لكو رۆسیا ل ژێر ناڤێ راگرتنا شه‌ری ب هه‌موو شیانێن خوه‌ ئێرشی ئۆكرانیایێ دكه‌ت.

زیلێنسكی ئه‌و یه‌ك ژی دیار كر كو گه‌ل و له‌شكرێ ئۆكرانیایێ هه‌تا نها به‌رخوه‌دانه‌كا بێ وێنه‌ كرینه‌ و ژ به‌ر هندێ ژی پتر ژ سه‌د هزار له‌شكرێن رۆسیا هاتینه‌ كوشتن، ئه‌و وه‌كو ئۆكرانیا دێ هه‌تا دووماهیێ به‌رگریێ ژ ئاخا خوه‌ كه‌ن و خوه‌ راده‌ستی رۆسیا ناكه‌ن، هه‌كه‌ وه‌لاتێن جیهانێ ژی وه‌كو پێدڤی هاریكاریا ئۆكرانیایێ بكه‌ن ئه‌و دشێن له‌شكرێ رۆسیا ژ ئاخا خوه‌ ده‌رخینن و سه‌ركه‌فتنه‌كا دیرۆكی ل دژی له‌شكرێ رۆسیا تۆمار بكه‌ن.

کۆمێنتا تە