ئۆلیڤه‌ر كان: نۆیێر و مۆله‌ر ئه‌فسانێن بایرن میونخێ نه
ئه‌ڤرۆ،
ئۆلیڤه‌ر كان سه‌رۆكێ چێبه‌چێكار ل یانا بایرن میونخ یا ئه‌لمانی دیاركر هه‌ردو ستێرێن تیما وان یا ته‌پا پێی گۆلپارێز مانوێل نۆیێر و یێ هێلا ناڤین تۆماس مۆله‌ر دیرووكه‌كا مه‌زن ل گه‌ل یانا باڤاریا تۆمارینه و بووینه ئه‌ڤسانێن چه‌رخێ پێشكه‌فتی.
گۆتێن ئۆلیڤه‌ری هاتن پشتی یانا بایرن میۆنخ شیایی ناسناڤێ خولا ئه‌لمانیا مسۆگه‌ر بكه‌ت به‌ری دووماهی هاتنا وێ ب سێ گه‌ڕا پشتی سه‌ركه‌فتی لسه‌ر هه‌ڤڕكا خوه بۆرۆسیا دۆرتمۆند ب سێ گۆلان به‌رامبه‌ر گۆله‌كێ و بجووداهیا 12 خالان سه‌رێ لیستێ پاراست ب 75 خالان كو دبیته جارا ده‌هێ لدووڤ ئێك و یا 32ێ ناسناڤێ خولێ ده‌ستخوه‌ڤه ئینایی.
ناڤهاتی بۆ ئاژانسا سكایی یا ئه‌لمانی گۆت: هه‌ردو ستێرێن یانێ مانوێل نۆیێر و تۆماس مۆله‌ر ئه‌فسانێن چه‌رخێ نوو یێ پێشكه‌فتی نه و نموونه‌یا دو یاریزانێن ره‌وشت پاك و زیره‌ك، چو ره‌نگان ناهێلین ژ یانێ دووركه‌ڤن.
