ئۆپۆزسیۆنا سووریێ دێ شاندەکێ ئێکگرتی دروست کەت
ئەڤرۆ نیۆز،زنار تۆڤی:
گرووپێن ئۆپۆزسیۆنێن سووریێ ێ شاندەکێ ئێکگرتی بۆ دانوستاندنێ ل گەل رژێما وەلاتێ خۆ دروست کەن.
ل گۆرەی وان زانیاریێن هاتینە بەلاڤکرن، نەسر حەریری ل کۆبوونا ئۆپۆزسیۆنا سووریێ ل ریازا پایتەختێ سعودیێ،ب سەرۆکێ دەستەیا دانوستاندنکارێن ئۆپۆزسیۆنێ هاتیە هەلبژارتن.
نەسر حەریری بۆ میدیایان راگەهاندیه کو نوکە ئەو دئامادەنە راستەوخۆ گفتوگۆیێ ل گەل رژێما سووریێ بکەن بۆ ”ڤەگۆهاستنا قۆناغا ئینتیقالی“ ل سووریێ ل دووڤ یاسایێن نێڤدەولەتی و ب سەرپەرشتییا نەتەوێن ئێکگرتی.
شەرێ نافخۆیی یێ سووریێ ل هەیڤا ئادارا 2011 دناڤبەرا گرووپێن چەکدارێن ئۆپۆزسیۆنا سووریێ و رژێما وی وەلاتی دروست بوویە،ئەڤ شەرە بوویە ئەگەرێ کوشتنا پتری 500 هزار وەلاتیان و هەروەسا ب ملیۆنان وەلاتی ژی ئاوارە بووینه.
