ئۆپۆزسیۆنا سووریێ ژ ره‌وشا نها دلگرانه
ئه‌ڤرۆ:
ناڤه‌ندا چاڤدێریا مافێن مرۆڤی یا سووریێ دیار كریه كو بزاڤێن نوو یێن توركیا كو دڤێت ل گه‌ل شامێ دانوستاندنان بكه‌ت بوویه جهێ دلگرانیا هێزێن ئۆپۆزسیۆنا سووریێ، چونكی هه‌كه توركیا و شام بگه‌هنه رێككه‌فتنه‌كی وی ده‌می چو پێدڤیا توركیا ب چه‌كدارێن سووری نامینیت و ئه‌و یه‌ك ژی بوویه ئه‌گه‌رێ دلگرانیا ئۆپۆزسیۆنا سووریێ.
ل گۆر ناڤه‌ندا چاڤدێریا مافێن مرۆڤی یا سووریێ پڕانیا گرۆپێن چه‌كدار یێن كو توركیا ب سالانه پشته‌ڤانیێ ل وان دكه‌ت نها دبێژن كو توركیا خیانه‌تێ ل وان دكه‌ت، ژ به‌ر هندێ ژی دبیت بابه‌تێ دانوستاندنێن توركیا و سووریێ ببیته ئه‌گه‌رێ ئالۆزیێن نوو.
