ئۆڤه‌رپاس و ئه‌نده‌رپاسا بناڤی ئێك دێ هێته دروستكرن
ئه‌ڤرۆ:
حوكمه‌تا هه‌رێما كوردستانێ 33 ملیار 828 ملیۆن دینار بۆ چاره‌سه‌ركرنا ئاریشێن قه‌ره‌بالغیا هاتنوچوونا د ناڤ جاددێن سه‌نته‌رێ باژێڕێ دهۆكێ دا ته‌رخانكرن.
ب بڕیارا مه‌سرور بارزانی، سه‌رۆكێ حوكمه‌تا هه‌رێما كوردستانێ و ب مه‌ره‌ما كێمكرنا قه‌ره‌بالغا هاتنوچوونا د ناڤ جاددێن سه‌نته‌رێ باژێڕێ دهۆكێ دا گۆژمێ نێزیكی 34 ملیار دیناران بۆ دروستكرنا (ئۆڤه‌رپاس و ئه‌نده‌رپاسا بناڤی ئێك، جاده‌دكا خزمه‌تگوزاری ب درێژاهیا شه‌ش كیلۆمه‌تران ل جاددا سه‌ره‌كی یا بارزان و یوتێرنا مالتایێ) هاتنه ته‌رخانكرن.
پارێزگارێ دهۆكێ د داخویانیه‌كا رۆژنامه‌ڤانی دا راگه‌هاند: “رازیبوونا حوكمه‌تا هه‌رێما كوردستانێ گه‌هشتیه پارێزگه‌ها دهۆكێ و د ده‌مه‌كێ نێزیك دا ل دووڤ رێنما و یاسایێ دێ چیته د بیاڤێ بجهئینانێ دا و ب ڤێ چه‌ندێ ژی ئاریشێن قه‌ره‌بالغیا هاتنوچوونێ د ناڤا سه‌نته‌رێ باژێرێ دهۆكێ دا دێ كێمتر لێ هێت”.
