ئۆکرانیایێ مەرجێن خوە بۆ ئاشتیێ ئاشکرا کرن
سەرۆکێ ئۆکرانیایێ دیار کر، ئەو بەرهەڤن ل گەل رۆسیا پەیمانا ئاشتیێ ئیمزا بکەن و شەڕێ نها ب دووماهی بینن، لێ ب مەرجەکێ دڤێت رۆسیا هەموو هێزێن خوە ژ ئاخا ئۆکرانیایێ ڤەکێشیت و ئەو ئاخا کو نها داگیر کریە ژێ دەرکەڤیت و رادەستی ئۆکرانیایێ بکەت.
زیلێنسکی ئەو یەک ژی دیار کر، وەکو ئۆکرانیا وان دڤێت ببنە ئەنداما ناتۆ و نها بزاڤەکا مەزن ژی بۆ ڤێ یەکێ دهێتە کرن، دڤێت رۆسیا ڤێ راستیێ قەبوول بکەت کو ب داگیرکرنا ئاخا ئۆکرانیایێ ئەو ناگەهیتە وان ئارمانجێن هەتا نها شەڕ بۆ کریە، چونکی وەکو ئۆکرانیا ئەو ناهێلن ئاخا وان د دەستێ رۆسیا دا دبیت و دڤێت رۆسیا ب تەمامی ژ ئاخا ئۆکرانیایێ دەرکەڤیت.
سەرۆکێ ئۆکرانیایێ ئەو یەک ژی دیار کر، هەکە رۆسیا مەرجێن وان قەبوول بکەت ئەو بەرهەڤن پەیمانا ئاشتیێ ئیمزا بکەن و دووماهیێ ب شەڕی بینن، لێ هەکە رۆسیا قەبوول نەکەت دێ شەڕێ نها ب دژواری بەردەوام بیت.
